بعد مرور شهر/
ال صقر يجهزون كلهم من غير استثناء لزواج الفيصل
حسين تزوج زوجة خويه وكل شيء تأمر فيه يحضر لكنه ما قربها رغم انها عسوله وطيبه وفاتنه بشكل كبير
عقاب وعهود عايشين ف العسل كذلك خلود وسلطان
اما سهام خالد ما رجع من سفرته ونفسيتها بدت تخرب شوي شوي بسبب حملها وبعده عنها الطويل
اوس والهام عبود ولينا وفواز ولانا كتاكيت يجننون مع بعض
الكل عايشين في نعيم ومبسوطين
الا سعود والوجد عايشين في تشتت وبعد رغم انهم بنفس البيت ونفس المكان يتشاركون اغلب الاشياء مع بعض الا انه صار بينهم حاجز وفجوه عميقه رغم الم كلا الطرفين الا ان الوجد تصد وسعود يكابر
بندر بيته اكتمل وسكن فيه وحسين انتقل لجناح بندر لين يجهز بيته
عند ال صقر/
جناح حسين/
دخل للغرفه باستعجال يدور دهن العود بقروشه طلعت صباح من غرفة الملابس ونطقت بصوتها الهادي: على وش تدور؟
نطق بسرعه بدون يلف لها: دهن العود وينه؟؟
مشت صباح تفتح الدرج يمينه وتمده له: هذا؟ ولا الثاني
انلجم حسين من ريحة عطرها اللي توسطت صدره رفعت حاجبها باستغرب من سكوته: ياهوه ابو صقر!
تنحنح حسين وهو يمد يده ليدها ياخذ العلبه فتحها يمررها على اماكن النبض سهت في ملامحه من غير ما تقصد ابتسم حسين وهو يناظرها بالمرايه: صباح وش فيس؟
وسعت عيونها تسحب المشط تعدل شعرها: ولا شيء
لف لها: اجهزي طيب بنروح للقاعه بعد ما نرجع على طول
ميلت شفايفها بملل: ما احب اجهز لوحدي ملل
رفع حاجبه من حركاتها واسلوبها هي تصغره سناً ما يقارب ال11 سنه
هي نهاية العشرين وهو اربعيني مد يده يرجع شعرها خلف اذنها بهدوء ويناظر عيونها: نادي المها والبنات عندس
سكنت بصدمه من يده اللي اول مره تلمسها وتقشعر جسدها بادراك انه اول رجل يلمسها ويمد يده لها لمس خدها بلطف وانحنى يبوسه وهو يبتعد يتنحنح: نادي البنات انا ماشي
تسمرت مكانها باحراج وجسدها يغلي غمضت عيونها تتنفس بسرعه وتمسك قلبها اللي بدأ يرتجف
عند ال عزّام/
ندى بتوتر: بنات وجع ركزوا بوجهي تكفون
قربت عهود تعدل مع الميكب ارتست ولفت ل الوجد: جوجو تعالي
مشت لها الوجد: ايوه ياعيوني
اشرت عهود على مدمع ندى: شوفي لو ترسمه بخفيف حلو صح؟
هزت راسها الوجد: انتي ندى ارسميه بيدس زي دايم بخفه مره حلو
دخلت نايا بيدها علب مويه بارده ترميها عليهم: جوجو سعود يناديس
رفعت حاجبها باتسغراب ومشت تطلع له بروبها الحرير الوردي دخلت غرفته: ايوه سعود وش بك؟
لف لها سعود تنهد يصد عن شكلها: تعالي هنا شوفي
مشت له تشوف قدامه طقم رفعت حاجبها باستغراب: لامك؟
هز راسه بالنفي: لس
تقدمت تقرب تلمس الذهب بيدها ميلت شفايفها تلف له: كيف عرفت اني بلبس ذهبي مع فستاني
نسف شماغه يسحب سبحته ويمشي: قلت لس عندي ادق التفاصيل
عضت شفتها السفليه بقوه تمنع بكاءها زي كل مره رفعت راسها للاعلى تتنفس من اختناقها دخلت عهود بسرعه: بنت تعالي امانه معي
لفت الوجد بسرعه وطلعت تمشي معاها لغرفتها: سمي
رفعت عهود الكعوب: وش احلى هذا ولا هذا!
اشرت الوجد على اليمين ونطقت: هذا باقي تبين شيء؟
هزت راسها عهود: ولا حاجه خلاص اصلاً ندى بتمشي الحين جو اهلي والفوا سمعتيهم!
هزت راسها بايه وطلعت تغادر غرفة عهود مشت تعدل شكلها لبست فستانها وجلست تعدل كعبها على دخول سعود شتت انظاره عليها بفخذها الطويل وساقها الطويل العاريه كالعاده نزل انظاره لاناملها الرقيقه تلبس كعبها مشى يدخل للحمام وتنهدت الوجد بضيق تتذكر ايامهم قبل وكيف يساعدها بادق شيء وهي بين يوم وليله خلت بينهم اكبر فجوه ممكنه طلع يناظرها تلبس عبايتها: هيا نمشي
نزلت معاه وطاحت شنطتها لف يناظرها تنحني تاخذها وانفتحت عبايتها توضح انحناءات جسدها الفاتن لف ينزل ومشت تتبعه
في السياره/
مد يده يفتح المكيف عقدت حجاجها من قوته اللي طيرت نقابها ونزلت الريش عنها حرك النمره ودق يدها واشتغل المسجل تنفس بقوه من صوت فلاح اللي انتشر في السياره على ذا البارت/
