في الديره/
الجده غاليه: عبد الرحمن بيت ابوك عادكم تزورونه؟
ابو طلال: والله يا امه ما عهدنا فيه زياره لكن اننا ننظفه ونبخره كل جمعه ونمره نتأكد منه
ابو صقر وهو فهم امه: ودس نروح له يا امه؟
غاليه: اي والله هيا نقعد فيه ذاليوم ونمسي فيه كلنا ودكم؟
ابو صقر: شورس وهداية الله يا عوال بلغوا الحريم
عند الحريم/
نوير: يابنات طلال يقول عمتي تبغانا نزوح لبيت عمي ذاليوم ونمسي فيه ونقعد هناك لين بكره قوموا اجهزوا
فاطمه: اي والله قوموا من زمان عن القعده هناك والله ياليتنا باقي فيه هيا ناخذ لنا اغراض عشان نطبخ ونتقهوى هناك جهزوا كل شي
زينه: ووااه ياعمه مستحيل تجلسين وتخلينا نشتغل الا تجين معنا!
بنجيب كل شي حنا معليس
فاطمه: وخري وخري من توي هناك انا بجي اشوف
ضحكت هند: هيا هيا وخرنا ياعمه
تقدمت فاطمه مع الحريم والبنات للمطبخ في بيتها وهي تعلمهم وش ياخذون ووش يخلون
فاطمه: حطيه في الصندوق الكبير
لينا: جده وش كبير كلها نفس الحجم!
فاطمه: الازرق الازرق اكبر
لينا: والله مو اكبر
فاطمه: انا حولا حولا يعني؟؟
ضحكت لينا: محشومه
فاطمه: خلاص قوموا تجهزوا كلكم يله بنروح
وقفوا البنات وكل وحده اتجهت لبيتهم تتجهز
في بيت طلال/
دلال: البسوا عسيريات ومناديل كلكم يله وعلموا بنات عمامكم
الهام: جوووييي يلا انا بكلمهم
عهود: طيب عطوني انا ما عندي نفس حقاتكم؟
الهام: شوفي درجي فيه ثنين خذي منها
اتصلت وعلمت للبنات يلبسون زيهم وبعد مده تجمعوا كلهم وهم بعباياتهم والشيال على كتوفهم ولابسين المناديل الصفراء
غاليه: وي وي بسم الله عليهم بناتي ها عنوكم كذيه زيان
(شوفوكم كذا حلوين) البسوا كذيه والله انكم تهولون العقل(تجننون)
ابتسموا لها البنات ومشوا يركبون مع اباءهم ويتجهون لبيت جدهم اللي في نفس الديره لكنه مع بيوت الشياب القديمه وماكانت كبيره وقصور بالعكس كانت بيوت شعبيه مبنيه من الطين
بيت الجد صقر/
وصف:
حوش ككبييير يتوسطه بيت شعبي من الطين وبيبانه باللون الازرق وقدام البيبان فيه صبه ( مكان من الاسمنت يجلسون عليه )
ومن جوا البيت كله منقوش بالقط الجنوبي او العسيري
كان البيت ثلاث ادوار والسطح فيه مسقف ( غرفه صغيره يستخدمونها زي المطبخ الحين لكن الطبخ برا يعني ينحط فيها الاكل)
والحوش مقسم فيه مربعه صغيره فيها نعناع وحبق ووراها مربعه ثانيه فيها ورد وكانت باقي موجوده لانهم يعتنون فيها
وخلف البيت في الحوش من الخلف فيه بير وعندها دلو ويسارها مكان محفوف بالحجر على شكل مربع ( قعده قديمه لهم)
واخر الحوش فيه باب يطلع على مزرعه رمان
دخلوا ال صقر البيت وكلهم ابتسموا من شكله
غاليه: يازين ذا البيت وزين شكله
ابتسم ابو طلال: والله انه فيه من الراحه ما الله به عليم
ابو صقر: هيا نقعد
تقدموا الرجال يجلسون في الصبه والحريم دخلوا جوا
المها: الله الله الله يجننننن تكففون دقوا على سهام وخلود يجوون
الوجد: سبقتس ودقيت بيجون
ديالا: احب الاماكن اللي كذا والله من زمماان عن ذا البيت من يومني بزر
الهام: عادس بزر طيب؟
ديالا: اذا انا بزر انتي بزر زيي يا حلوه
ضحكت الهام: طيب كلنا بزران خلاص هيا نشوف البيت زين
الوجد لفت تدور خلود: سمج ماجات الحيوانه
خلود من وراها: انتي الحيوانه جيت
لفت وهي تحضنها وتضحك: هيا ننطلق للمسقف
خلود: انسحاب تكتيكي بهدوء
سهام: والله اني معكم
عهود: وانا وربي لا اجي وين تبغون تروحون؟
المها وهي تتكي على عهود: رجلي على رجلكم
ضحكت خلود: هيا هيا يا العفاريت بسم الله علي
المها: ديالا والهام وين؟
عهود: خليهم يقعدون يستكشفون هيا
طلعوا البنات للسطح وفتحوا باب المسقف وابتسمت الوجد وخلود وهم يشوفون الحصير(بساط او فرشه ) باقي مكان تقدموا يبتونه ويحطون المخاد القديمه باللون الابيض منقوشه بالاحمر ويخلون الباب مفتوح ويجلسون وهم يسولفون دخلت الهام وديالا: خونه حيوانات
عهود: هيا هيا اقعدوا كان من الهدره
سهام: جوودده تكفين شاهي من يديينسس
الوجد: من عيووننيي بجيب الاغراض هنا واسويه شوفوا الجو كيف حلو بشكل مررهه اهخخ
ضحكت عهود: عجزت تعبر من جمال الجو
الهام: ما تعرفين قد ايش تحب الغيوم وتتأملها وتتمنى انها غيم وبرق ورعد ومطر ولاهي انسان
ضحكت الوجد وهي تتنفس بقوه: الله يلوم اللي يلومني
مشت تجيب الاغراض من تحت نزلتها على جنب ولفت لخالتها سعاد ونطقت: خاله عادي اطلع اجيب نعناع والا الرجال يشوفون؟
سعاد: ما اتوقع يشوفون بس عادي نادي عمس بندر يجيبه
ابتسمت الوجد: طيب ياحلوه انتي اجلسي لا تطيحين ولده مدري بنته ويطيح فينا تصفيق مافينا له
ضحكت سعاد وهي تدخل تجلس وطلعت الوجد وهي تنادي عمها بندر جا بندر: لبيه يا دلوعة صقر وش فيس؟
ابتسمت الوجد: ابغا حبق ونعناع
بندر: من عيني ذي قبل ذي ادخلي وانا بجيبه
الوجد: بنتظرك هنا تجيبه ماعليك مافيه احد قريب
بندر: انتبهي طيب ترا المكان بعيد من بيوت الديره وشبه مهجور لا احد يجي ويدخل ما درينا به
الوجد: لا معليك انا متدربه مع صقر ما احد يجيني
ضحك بندر وهو يتوجه يجيب النعناع ويرجع لها مده لها: وجده
الوجد: لبيه
بندر: لينا بنت محمد وين؟
الوجد باستغراب: معانا فوق
بندر: انتبهي لها تكفين لا تخلينها لحالها
الوجد عقدت حجاجها: ابشر بس فيها شي؟ علمني
بندر بهدوء: لا بس محمد موصيني عليها يقول انها تخاف في غيابه ماهي قويه زي لانا خليها في عيونس بوصي بناتي لكن انتي تعرفينها اكثر منهم وعشتي معها اكثر
الوجد ابتسمت له: من عيوني لا تشيل هم
باس راسها بندر وهو يرجع للرجال ويجلس معاهم
دخلت الوجد وشالت الاغراض وطلعت لهم فوق وبدت تشتغل في السطح وهم في المسقف جوا يناظرونها
سهام نادتها اكثر من مره ولا ردت: وجدخ وين عقلس؟
الوجد لفت بهدوء: لبيه يا سهم ناديتيني؟
سهام: ايه ناديتس وش فيس تهوجسين؟
المها وهي تغمز: حرم سعود واحشس سعود توه ماشي قبل ساعه والا اقل! خلي الحركات هذي واعقلي
الوجد بهدوء: ما افكر في سعود يا الناقه على قولة جده غاليه افكر في شي ثاني مو شي ثاني لا اشياء ثانيه
لفت وهي تتربع وتناظر البنات والدافور قدامها وفوقه الشاهي بنات اسمعوا: احسني شلت هم العايله مدري ليه فيه اشياء غريبه قاعده تصير والله ما اكذب فيه احد ملاحظ زيي؟
خلود: زي ايش؟
عهود: خاله زينه تفكر كثير من قبل ما يمشي عمو محمد للمهمه
جدي عبد الله شايل هم حاجه بس ما اعرف ايش هيه
ابوي بندر يراقبنا وكانه خايف علينا من شي!
اممم ما ادري وش كمان بس لاحظت ذي الاشياء
الوجد وهي تصفق كف بكف: الله عليسسس تفهميينن ايوه هذي الاشياء
سهام وهي ترفع حاجبها: وش ممكن يكون صاير؟
لينا: امي انا بعد لاحظتها
لانا: احس امي حامل وشايله هم تقول لابوي وهو ف المهمه وينشغل
الوجد: بالضبط انا بعد حسيت كذا
المها: ابوي يمكن بيسوي اني الكبير والمسؤول!
الوجد: لالالا غلط مو كذا فيه ان في الموضوع
ديالا بتفكير: سهله! عمي محمد وعمي صقر موصينه على بناتهم ومنتبه علينا كلنا مره وحده!
الوجد وهي تذكرت وصاته للينا: صح صح ليه جاني غباء؟
ضحكت سهام: من كثر التفكير استغبيتي
الوجد: صح ممكن بس جدي وش فيه؟
لينا: هنا السؤال! انا والله حاسه جدي فيه شي يابنات
لانا بحده: مافيه الا العافيه خلاص من ذا الموضوع قوموا نتقهوى
قفلت الوجد النار على الشاهي ودخلت وهي تصب لهم شاهي
المها: ماش ما احب الشاهي حتى يوم زواج سهام كنت بجرب جوكم يوم قلت ابغا شاهي
الوجد: وش تبغين طيب؟
لينا وهي تضحك: اويلي عليها بنت الخبر
لفت الهام: وش قصتس مع ذي الكلمه؟
لينا: قريت روايه لكاتب وفيها وحده اسمها ميس تقولها ومسكت في راسي الكلمه من ذاك الوقت امشي واقولها
ضحكت الوجد: عرفت الروايه
وسعت عيونها خلود: تقرون روايات ما تعلموني لييه؟؟
مسوين فيها بنات عم ولا تعلموني نعم نعم خير؟
ضحكت لانا: طيب خلاص اقريها ليش مسويه هيصه؟
خلود وهي تضحك: بسوي شخصيه مالت ما خفتوا
الوجد: هيا ننزل للبير يا بنات!
نطت المها: بير بعد! جووويي هيا
سحبتها لانا: اهجدي مافيه البير كبيره ترا وسيعه ما ينفع نروح عندها
الوجد: شدعوه سولفوا عندي وانا بسبح
عهود: اووه ما عرفتها اللي تسبح ف البير
ضحكت الوجد: تعلمت السباحه في ذي البير ترا!!
سهام وهي تضحك: تتذكرين وش صار؟
الوجد وهي تضحك معاها: اههخ اتذكر وربي كل م اتذكر اضحك
المها: وش السالفه قولوا؟؟
الوجد: يمه اصبروا بديت انسا ان عندنا خاله اسمها ندى
المها: لالا ما نسيت هي في الرياض نقابلها قولييي
الوجد: طيب عله بقول بس ليه ما جات؟
المها: بتجي بتجي قبل العيد
ضحكت سهام: قولي بيوقف قلبها
الوجد: طلبت الهنوف بنتها تعلمني السباحه طيب؟ هو قبل ابوي قد علمني بس ما تعلمت زين وجات الهنوف وعلمتني بالحبل وكنت بس
انا وهي والهام وسهام عند البير المهم ما خلتني اسبح بدون الحبل تقول بتموتين بعدين تضربني جده فاطمه ربطت الهام وحاولت تعلمها ويوم ابتعدت عني اشرت لي سهام اسبح وسبحت لوحدي هذي كانت اول انطلاقه بسبب سهام وبعدها بمده ابغا اقفز زيهم وعيت تخيليني الهنوف وجدتي وامي كلهم يقولون لا وكنت واقفه فوق واشرت لي سهام اقفز وقفزت لذلك كل الفضل لسهام هي اللي شجعتني على كل شي
انا اصلاً عازمه بس انتظر اشاره احد وكانت من سهومتي
المها بحماس: ححيي عيييننس يا سههامممم
ضحكوا عليها البنات ومشوا ينزلون يتجهون للبير
