حضنها سعود وهي تضرب في صدره بقوه: بعد عنننيييي دفعته عنها بغضب وهي تشد على يدينها تخفف من غضبها وتوترها بلع ريقه سعود وهو يجلس على حافة السرير: خلصتي صياح؟
لفت له بهدوء: ايش كنت تفكر فيه وانت مخبي عني!
سعود رفع عينه لها: كنت بقول وبعلم لس كل شيء بس انتي بداية الزواج حاربتيني ولا تركتي لي خيار اسويه وبعد رجوعس ما حبيت اخوفس علي طيب!
الوجد تقدمت له: ايوه؟ والحين
سعود وقف بهدوء: تشافيت من المرض من زمان بس فيه احتمال انه يرجع لي
بلعت ريقها وهي ماعاد فيها تعاند اكثر: لا تخبي عني شيء خلني في الوجه لو احد سألني وقلت له مدري وش وضعنا؟
سعود فصخ ثوبه بهدوء: انزلي
لفت له: متى انتهى العلاج!
سعود: قبل زواجنا بمده
الوجد رفعت شعره بيدها:كيف ما تساقط!
سعود ابتسم ببرود: ما اخذت علاج كيميائي اعطوني حبوب وجلسات اشعاعي بس
غمضت عيونها بقوه وهي تتذكر الكلام اللي في التقارير وانه مصاب بالمرض الخبيث في الدم رفع راسها سعود: وجد
فتحت عينها له بحده ابتسم سعود: اسف الوجد
الوجد: ليش بدلت؟
سعود: انكبت علي قهوه هيا انزلي
الوجد: انزل انت انا بجلس شوي وبنزل
خرج سعود من الغرفه وجلست هي على طرف السرير وهي تتنفس واجتاحها شعور غريب ( لو رجع له المرض! طيب لو صار له شيء ) تعوذت من الشيطان وهي تدعي له وترسم ابتسامتها وتنزل لتحت
دخلت وجلست جنب عهود: وش فيه وجهس احمر؟
عهود: اسكتي
ضحكت الوجد: ابشري
بعد مده تعشوا والكل مشا لبيته وعقاب وعهود للفندق اما سعود والوجد ناموا في بيت عزّام
نايا: تعالي خذي من عندي بجامه!
ضحكت ندى: نايا البنت طويله تاخذ من عندس!
ضحكت نايا: يابنتي عادي مو لازم على طولها
نادين: انا عندي بجامه طويله علي تعالي خذيها
الوجد: تمام هيا
مشت مع البنات غرفتهم واخذت البجامه وطلعت تبدل بسرعه قبل يدخل سعود هي ما سهرت مع البنات لانهم تعبانين وبينامون
دخل سعود واستغرب وهو يشوفها لابسه بجامه ستان رصاصيه واطرافها من الصدر فيها زي التل بنفس اللون وكمان من تحت نفس الشي ويدينها نص
لفت له الوجد: بدل بسرعه بنام
نزل ثوبه وطلع لغرفة سالم ياخذ من عنده شورت
سالم: ياوررعع خذ معه تيشيرت!
سعود: وش دخلك! قد شفتني انام بتيشيرت!
سالم: لا بس معك مره!
ضحك سعود: الله يعطيك عقل يا اخوي اعرس
وسع عيونه سالم: العنكممم يعععع اطلع من عندي ياكلب
طلع سعود ورجع للغرفه وقفل الانوار وهو يشوفها منسدحه على السرير توجه لها وهو ينسدح بجانبها ويسحبها له يلصق ظهرها في صدره ويدفن وجهه في شعرها يستنشق عطرها غمض عيونه ونام
في الفندق/
دخلوا وبدلوا وتجوهوا للسرير انسدحت بعيد عنه لف عقاب وهو يشوفها منسدحه بعيد: وش فيس!
عهود: مافيني شي بنام!
قفل عقاب الابجوره وغمض عيونه توترت عهود من الاصوات اللي برا وهي تحاول تنام قربت منه بخفيف ومثل النوم قربت اكثر وهي تمسك ذراعه بقوه وتغمض عيونها انقلب على يمينه وهو يقربها له اكثر ويدخلها لحضنه: نامي انا صاحي
توردت ملامحها من الخجل انه حس فيها تقرب منه وسرعان ما نامت من تعبها وعقاب يهوجس في حياته كيف بتكون ولحقها في النوم
