في الزرع/
وركضت هي للزرع تجلس فيه وتفكر
دخل سلطان للزرع بامر من ابراهيم انه يجيب حبق عشان الشاهي وسمعها وهي تتحلطمم وتقول: وش ذا جدي جدي شايب بيني وبينه 9 سنوات ما ابغاه ياربي وش ذا الورطه
سمعها سلطان وانسطر وعرف انها خلود وتقصده
-كان الوقت على الغروب -
تقدم سلطان وهي نطت ووقفت بخوف ورجعت على ورا وهو تقدم لها اكثر
خلود وهي ترجع لورا: بعد عني
سلطان وهو يتقدم اكثر: انا جدس؟ اجل ليه خايفه مني! الجد م ياذي
خلود: بعد بعد عني انت مو صاحي والله لا اقتلك
ابتسم سلطان بسخريه وهو يتقدم اكثر لين صقعت في الجدار اللي وراها طلع سكينته من جيبه وهو يمدها لها: بتقتليني؟ هاتس بساعدتس تقتليني
خلود: بعد عني يامريض لا احد يجي
سلطان: خليهم يجون بقول بنتكم تبغى تذبحني!
خلود مدت يدها تدفه من صدره تبي تهرب لكن حركته اسرع منها لف يده حول خصرها وهو يرجعها جهته ويلصق ظهرها في صدره
كانت قصيره وبالنسبه له مره قصيره وصغيره جنب طوله وعرضه
همس في اذنها: بتوافقين بتوافقين يابنت طلال ولا بتاخذين غيري
خلود ضربت بطنه بقوه بس ما تركها ولفها على الجدار وصار هو قدامها: لما تحاولين تدافعين عن نفسس لا تدافعين وانتي في قبضة عسكري فاهمه؟
خلود: بعد عني والله لو م تبعد م يحصل لك خير كرهتك كرهتك اصلاً مستحيل اتزو...
قاطع كلامها وهو يقرب من شفايفها ويكتم انفاسها ابتعد عنها وهو يشوف دموعها كيف تجمعت ووجها كيف صار كله باللون الاحمر ونطق: الحين كيف تتزوجين غيري وانا مقرب لس كذا؟ ياحرام كل م يقرب لس زوجس بتتذكريني لف واتجهه للحبق وهو يشتم نفسه مليون مره على الشيء اللي سواه وكيف رضا يسوي كذذا هو ضد الزواج بالغصب واصلاً ما كان له نيه يتزوج بس هي لعبت في موازينه
انحنى يقص الحبق ونطقت من وراه: موافقه بتزوجك بس صدقني بتندم على فعلتك الحقيره هذي
ابتسم ببرود وطلع للرجال وجلس معاهم وهو يهوجس ف الشي اللي سواه(معقوله جابت راسك لذي الدرجه؟ ولا انت فيك تملك لدرجه ما تبي احد ياخذها! ولا حقير فعلاً زي ما هي قالت! وش سوييت وش سويت الله يلعنكككك يا سلطان) لف على طلال: ابو فهد وش صار على موضوعنا؟
طلال: كل خير ان شاء الله تقهو وتعش ونعطيك الرد
سلطان: لا انا ماشي عندي اجتماع ضروري تسلم
هز راسه طلال وطلع ونادا خلود ودلال
طلال:وش قولس!
خلود:موافقه
طلال: الله يوفقس ويسخره لس يارب
هزت راسه وهي في قلبها وين يسخره ذا معتوهه
اتجهه طلال للرجال
طلال: جاك ما طلبت يا سلطان
ابتسم سلطان : بكره بجيب اهلي ونخطب رسمي باذن الله
الشيبان: تم
طلع من عندهم سلطان واتجهه لبيتهم
بيت ابو حازم/
ابو حازم اللي هو ابو سلطان: صديق قديم لعبد الرحمن وعبد الله واشتغل مع عبد الله وتقاعد هو وياه سوا برتبة العميد وشخصيته تشبه شخصية صديقه ووناسته
زوجته: حصه عسل واسلوبها يجنن وتحب عيالها بشكل كبير وتقدس زوجات عيالها بقوه
اولادهم/
حازم متزوج عايشه وعندهم بدر وايلان
عبد العزيز متزوج البندري وعندهم ورد
سلطان خطيب خلود
فراس اعزب
ليان في سن سهام . ابرار في سن الهام
___________
كانوا جالسين في الحوش ويضحكون ويسولفون ويطقطقون على البندري الحامل وكانت البندري وعايشه اخوات ويصيرون بنات عم ازواجهم وعندهم بنات الاعمام وعيال الاعمام ما يتغطون يجلسون معاهم بالحجاب
دخل عليهم سلطان: السلام عليكم يامعشر القوم المسلمين
ابو حازم:وعليكم السلام هات علمك
سلطان: وافقوا بكره نخطب رسمي
ام حازم: وراك مستجعل يا وليدي ؟
سلطان: انحريت من عيالس ما معي زوجه مثلهم
تعالت ضحكات عزيز وحازم عليه
ام حازم: خلاص ابشر نزوجك وبكره نروح ونحدد الشوفه والملكه
سلطان: تم
______________
نرجع عند ال صقر
