بعد صلاة العشاء/
ابو طلال:ياوووولددد هاتوا العشاء خلونا نسسري.
محمد وهو جايب السفره ويدندن:ابشر ابشر جينا به وراعي المزرعه باع وماشين لها بعد العشاء
هز راسه بو طلال وهو يناظر محمد:اقول وين الباقين ما يجيبون السفر مو هم الصغار!!
محمد:يقطعون السطله امي نوير حالفه ما يسويها الا هم
ضحك ابو صقر وهو يناظر ابو طلال وكانه يذكره بشي لكن قطع ضحكته عصا اخوه اللي وقعت على رجوله
دخل حسين على الضربه: افا يا ابو طلال تضرب ابوي وحنا ثنين معك ف المشب؟
ابو طلال بصدمه:ولد لا يكون بتقوم تضربني؟ لالا قم قم احسن.
انفجر محمد يضحك وحسين يرقع:لا لاا محشوم بس نعزز للوالد
ابو صقر: عشت يا ولدي ما ودك تجيب الزاد ترا الوقت تاخر نبي نسري ونرقد
جابوا العيال الاكل وجلسوا كلهم عليه ينتظرون اوس وفهد يرجعون من عند الحريم لانهم يودون اكلهم
عند الحريم/
اوس:ياولدد
-كان صوت اوس يشبه صوت فهد ولد طلال-
نطت الهام تركض: فهد اسمع نب..بترت جملتها من اللي واقف قدامها
تنح اوس فيها شوي وهو يلف وجهه بسرعه للجهه الثانيه على دخلت فهد
طارت عيونه وهو يمسك الهام مع يدها يدخلها جوا: ورررعهههه!! وش مطلعس لهه؟؟ ما تعرفين تمسكين ارضس!
الهام تنحت بدون ما ترد من الصدمه
استغفر فهد وهو عرف انها تحسبه هو:سمي طيب قولي بسم الله وادخلي جوا نادي امي وعمتي هند وام اوس يشيلونه وانتي اقعدي مع البنات
هزت راسه واتجهت للحريم تعلمهم وبدوا يحضرون وتعشوا كلهم
عند الرجال/
ابو صقر: الحمد لله بيض الله وجيهكم
ابو طلال: اي والله اللهم لك الحمد من اللي طبخ؟
صقر انخرش لا يعترف وهو مزود الملح شوي:محمد وطلال
لفوا عليه بصدمه
طلال بهمس:جعلك اللاوي يا كذبان
محمد:كذاب يا ابوي هو اللي طابخ
ابو صقر: جعل يدك ما تمسها النار
ابو طلال: جعلها للكسر الا نعم ما تعرف توزن الملح؟؟
انجلطوا الشباب من تضاد الشيبان
صقر سكت بورطه
والباقين انفجروا يضحكون عليه ومن سوء حظ اوس ورعد هم اللي جنبه
عطا الثنين بعقاله لسعتين وقام
عند الحريم /
الجده نوير: يابنات اعجلووا سرينا الرجال برا ينتظرون يلا يا بنات
الجده فاطمه من وراها: بشويش يانوير مابيموتون لا انتظرونا خليهم يتنظرون وش وراهم؟
نوير بقل صبر:انتي من كثر ما عاشرتي ابو صقر قدس نفس بروده بتجلطوني
ضحكت فاطمه وهي تسمي عليها وتروح تنادي البنات
وطلعوا كلهم متجهين للسيارات
الوجد وهي مدرعمه لجدها: جدي بتروح مع مين؟
ابو صقر:ليه وش عندس؟
الوجد وهي تستلطف بوجهها: بروح معك تكفى تكفى ما ابغى اروح مع رعد المعتوهه نفداك
ضحك ابو صقر وهو يدخلها تحت ذراعه وينادي البنات الباقين :انا والبنات بنروح مع طلال وصقر والباقين توزعوا
نوير وفاطمه بصدمه: وتخلينا مع الورعان؟؟؟
انجلط حسين ومحمد والباقين
لف حسين:انا ورع! عمري اربعين!!
ضحكوا وهم يتوجهون يركبون معاه والباقين توزعوا في السيارات.
