الفجر/
بيت عزّام/
فتحت عينها وهي تلف ما تشوفه حولها وقفت وهي تتوجه توضي وتصلي فتحت الشرفه طلعت توقف فيها تراقب الشروق وتستنشق ريحة التراب والمطر غمضت عيونها تاخذ نفس طويل وشدت الروب على جسدها من الهواء البارد تتأمل بداية الصباح نزلت انظارها لساحة الحوش وشافته جالس على الدرج وساهي ف السماء تذكرت كلامه وانه يراقب الشروق دايم رجعت انظارها للسماء وهي تشوف الشمس بدت تشرق واصوات العصافير ابتسمت وهي توصف الشروق بانه {بداية جديده انطلاقه جديده شيء يمحي الماضي وما حصل فيه يزرع في النفس شعور جميل يداعبها بالمختصر وكأن الصباح يقول لك ابدأ الطريق لم ينتهي والقصه لازالت مستمره ربي اعطاك حياه ليوم جديد اثبت نفسك فيها واترك بصمتك وعش لحظتك بكل شعور وكل حب وشغف .. انت تستطيع}
فتحت عيونها من حست فيه يحط عليها الشال ويضمها لصدره: برد ليه طالعه بذا اللبس!
الوجد وهي تناظر العصافير والغيوم: الشروق!
سعود: وش فيه الشروق!
الوجد: تذكر كلامك لي عنه!
سعود ابتسم بخفه: ايوه!
الوجد: كنت تتأمل الشروق وقت مرضك صح!
تنهد سعود بعمق: صح
الوجد: كنت تستمد قوتك وطاقتك منه
سعود وهو يناظر الغيوم اللي تتجمع: ايوه صح
لفت له: عندك دوام!
سعود هز راسه: ايوه واليوم بتنزل الترقيات بعد
ابتسمت له: اوف تصير حضرة الرائد!
ابتسم سعود من ابتسامتها: حضرة جنابس ما ودس تنامين وتبعديني من ذي الابتسامه !
هزت راسها بالنفي: بروح لاهلي
حاوط خصرها بخفه: وانا وش؟
الوجد ميلت شفايفها: وش انت!
سعود: مدري اسألس هم اهلس انا وشهو؟
الوجد: اممم ما اعرف انت الرائد سعود ممكن!
حنى نفسه لشفايفها مدت يدها بسرعه لشفايفه تمنعه عنها: ماعوووززك يلا البس عشان تروح الدوام
عض اصبعها سعود بخفه وهو يبتعد: ماعليه
ضحكت وهي تمشي تدخل: انزل اسوي لك فطور؟
سعود: لا اجلسي ف الغرفه سالم موجود
هزت راسها ورجعت للسرير: اشتغل على نور الشمس واذا خلصت قفل الستاير
ضحك سعود: اي اوامر ثانيه حضرة الاميره!
الوجد : وانت راجع جيب لي معاك فرواله وكندر
ضحك بصدمه: وش ذا الطلبات الغريبه!
الوجد: مدري عنك لو ما جبتها ما بيصير لك طيب
ابتسم سعود: قوية راس يابنت صقر
ضحكت: طيب خلص عشان ما اطلع قوة راسي عليك
عدل تيشيرته وهو يقفل الستاير ويطلع
بيت طلال/
دلال: يا طلال فهد علامه ما يدق علينا من يوم سافر له ثلاث ايام ياربيي
طلال وهو يخفي توتره: بخير بخير معليس
سهام: اذكروا الله ان شاء الله ما عنده الا العافيه
رن الجرس ووقفت الهام تفتح: هلا والله خوخههه
ضحكت خلود: هلا باللي بكت علي
ضحكت الهام: ما بكيت! من قال اني بكيت!
سحبتها خلود وهي تدخل معاها جوا ويفطرون ودلال خايفه على فهد وطلال يسوي ان الوضع طبيعي
عدي بهدوء: ممكن ما تتوترون كذا قدامي!
الهام: عدي هيا نطلع للسطح نحط الفرشه ونجهز لنا قهوه مرتبه شرايك
ابتسم عدي اللي فاهم انها بتطلعه من هنا عشان لا يتوتر ويخاف: هيا
طلعت معاها وهم يسوون الجلسه ويتهاوشون ويمزحون
عدي: بجيب الV60
الهام: وع عليك انت وسهام روح جبها
ضحك وهو ينزل يجيب اغراضه والهام تعدل وتجهز
طلعت سهام للسطح: يا الله ياليت عهود معانا
الهام: شايفه! كلبه وحشتني مرره
سهام: متى بتجي!
الهام: امم اليوم بتوصل اتوقع المغرب
خلود مع باب السطح: عهود!
الهام: ايوه
جاب عدي الاغراض وبدا يسوي له ولسهام ويضحك مع اخواته وخلود تتقهوى قهوه عربي اما الهام تشرب مويتها لانها م تتقهوى ولا تحب القهاوي ولا الشاهي
طلع لهم طلال: هلابي يا العيال اللي ساحبين على امهم وابوهم سلامات ولا ما تدعوني!
ضحكت الهام: شاردين منكم
طلال وهو يمثل الحزن: اففااا وانا اللي اداريس بعد زواجهم تسوين فيني كذا اههخ ياربي
ضحكت الهام وهي تقوم تحضنه وتبوس خده: احبك
حضنها طلال: اموت فيس يا بنتي
سهام: هيا اجلس وانت يا عدي انزل ناد امي
