الرجاس

البارت 25

بسم اللّٰه الرحمٰن الرحيم
اللهم صلِ على محمد وآل محمد
بقلمي الكاتبة حوراء
الرجاس
———————————

تُليد ...
احببتكِ وهل حُبي يكفيكِ
انرتُ الطريقَ شموعاً لأجل عينيكِ
ماذا افعلُ لكي ارممُ قلبكِ
الذي كسرتهُ بأفعالي
اوعُدكِ يا سيدت قلبي
سأعوضكِ عن كُلُ الآلامِ
احُبكِ يا مؤنستي
انا ذائبٌ بتفاصيلكِ يا قارورتي المجروحه ...

راجس ...
افديكِ بروحي فداءُ الجُندي لوطنهِ
يا ليت جرحكِ يُصيبني قبل أن يؤذيكِ
انتقمُ وهل الانتقامُ يشفي غليلي
ثبتت الجروحُ على جسدكِ تؤذيكِ
ااااه يا نارُ قلبي اخمدي ولا تحرقي
فأن حبيبتي لا ترغبُ برؤيتُ الحريقِ ...

(بقلميحوراء )

——————————
ريم

مادري شصار بيَّ من سمعت صوت اسلام وهوَّ يحچي بعصبية وخوف

اسلام : ولك حيدر راجس طالع من المستشفى بدون محد يدري وموقع على مسؤوليته نخابر عليه ما يرد وهسه انغلق جهازه..

دگات گلبي تسارعت خوف على رهبة على قلق على توتر كلها اتجمعت الكُل يحچي واني فصلت عنهم

وين راح ؟ ليش ما گال لواحد منهم يطلعه ؟ ليش ما يرد على اتصالاتهم ؟ ليش غلق جهازه ؟

كل هاي الاسئلة تدور بعقلي وتشوشه عصرت ملابسي بيدي من اجت فكرة خاطفينه ببالي

معقولة انخطف ؟

غمضت عيوني ماگدر اسيطر على وجع راسي رجعت اركز بكلامهم اريد افتهم شصاير..

عبدلله : خابرت على اصدقائه بالمركز ولا واحد يجاوب .

محمد : معقولة همَّ وياه بشغل وطالعين سوة .

اسلام : لح يخبلني وين راح ليش ما گاللنه لو بس داز رساله مطينه خبر هوَّ وين رايح .

حسن : انطي صبر بلكي عنده شغل مستعجل وطلع .

اسلام : يا شغل هذا وهوَّ أيده بعدهي.

ريم : اختفه صوتهم من نزلوا مرت الساعات وكلنه بقلق
النار تاكل بگلبي اكل والتخيلات خبلتني كل شوية أتخيل صاير وياه شي وارجع افكر بأيجابيه ...