بسم اللّٰه الرحمٰن الرحيم
اللهم صلِ على محمد وآل محمد
بقلمي الكاتبة حوراء
الرجاس
———————————
ريم
رشيت عطر ورجعته لمكانه مشيت بخطوات بطيئة بسبب الكعب اللابسته
شايله طرف من فستاني بسبب طوله
فتحت الباب ونزلت امشي على الدرج وصوت الكعب يرن وي كل درجه انزلها
توقفت على اخر درجه فاتحه عيوني وحلگي بصدمه اباوع للأجواء
البنات يتراكضن منا ومنا
قسم بعده يعدل مكياجه وقسم يسوي بشعره والصالة صايرة هوسه كلها ملابس مطشرة ومكياج طايح على الأرضية
والأحذية كل وحدة بجهه ...
ريم : عززا بنااات هاي شمسويات بالصالة .
كلهن التفتن على مصدر صوتي ضحكت سارة وردت
سارة : فجرنه قنبلة نووية بس من نوع آخر.
تعالت أصوات ضحكنه ورجعن يكملن تمشيت اخذت تلفوني بعد ما فصلته عن الشحن
وطلعت للحديقة گعدت على المرجوحه واتصلت
بـ اريج
تأخرت ياله ردت تحچي بخبصه
اريج : هاا ريم شكو شتردين
اريد اجاوب وعاطت بصوت شوية عالي
اريج : هُدى لا تبچين لح اجي افرگ وجهچ واخرب المكياج من صدگ
خلصت ورجعت تحچي وياي
اريج : هاا ريمه احچي
ريم : شبيها هُدى
ردت عليه بنرفزة
اريج : ولچ هاي مرت اخوچ لح الزمها اطلع قهري بيها من اجينه لهسه كل شوية وبچت خربت ابو المكياج ..
ريم : على كيفچ اهدي أخذي نفس .
... أنتن خلصتن ؟
اريج : اي ما بقى شي هاي لح اطلع البدلة بس تلبسها واخابر محمد .
ريم : تمام انطيني هُدى وروحي طلعيها .
ثواني واجاني صوت هُدى ومبين على صوتها باچيه
:– هاا ريمه
ريم : شوفي يا هُدى إذا شفتچ تبچين اعتبرچ حاسبتنه غربه وما حاسبتنه اهلچ
ليش تبچين احنه مو اهلچ عليمن الدموع بعد بهاي دموعچ
ثبتيلنه انتي ما تعتبرينه اهلچ وحق الحق لو بچيتي بعد اله ازعل عليچ ..
هُدى : لا ريم والله اعتبركم اهلي بس مو بيدي من اتذكر امي ما تحضر دموعي تنزل وحدهن.
ريم : تنهدت مادري شرد عليها اني من يمي متأذيه من هذا الموضوع بس احاول أجبر بخاطرها
... انسي امچ اليوم اعتبري هاي الحفلة بس للبنات بدون امهاتنه
هاي مو احنه وياچ هم ولا وحدة من امهاتنه لح يجن الحفلة بس للبنات
امچ حتى لو اجت تگعد وي البنات .
اسمع صوت سحب النفس تبعته تنهيده كأنها تگول انتي تعرفين امي غيرر ..
حاولت اغير الموضوع ضحكت وحچيت وياها بحماس
أنت تقرأ
الرجاس
Acakالدين والكفر الحب والعذاب كربلاء والبصرة محبٍ وحبيب بطلاً وابطال جمعناهم في قصتاً واحدة الرجاس
