الرجاس

البارت 27

بسم اللّٰه الرحمٰن الرحيم
اللهم صلِ على محمد وآل محمد
بقلمي الكاتبة حوراء
الرجاس
——————————
ريم

بقيت اعيد بهذا المقطع الي أحسه يمثلني بهاي اللحضة وبكُل لحضة اذكر بيها والدي

بنتك ولمن تحن ... يبتدي كسره الغصن
ليل الموادع يجن ... من رحيلك

اخذت نفس عميق وعيوني متمركزة على صورته رفعتها مقربتها لشفايفي بوستها بوسات عشوائية ورجعت الصورة لمكانها
انداريت على فتحت الباب دخل راجس يباوعلي ومن نظراته عرفته سامعني ابچي
سد الباب وتقدم بدون كلام اخذني بحضنه عبرت ايدي حاضنته بقوة دافنه وجهي برگبته
تنهد وبعد فترة من الصمت والهدوء كسر الصمت كلامه بنبرة صوته الهادئه

راجس : ريماي مصيبتي يا بعد ثلثين حيلي ما كافي بچي ليش تأذين نفسچ وتأذين ابوچ .

عصرت قميصه بأيدي رافضه نزول دموعي تنهدت بضيق وجاوبته

ريم : مو بيدي مشتاقتله .

مسد على راسي بحنية ساكت
بعدني عن حضنه مسح عيوني بهدوء واخذني لازمني من ايدي
اكو كراسي اثنين حاطتهن مقابيل الشباك گعدني على كرسي وهوَّ گعد على الثاني صرنه واحد مقابيل الثاني
لزم ايدي عاصرهن بكفوف ايديه وبده يحچي بهدوء ..

راجس : ريماي ما اعرف شلون اواسيچ أو اخفف حزنچ واشتياقچ شنو تردين اسويلچ وبعد ما تبچين
ما اگدر اشوفچ متأذيه ومابيدي شي اسوي الچ اني اتأذه بدموعچ تنمرد روحي من اشوف دموعچ .

ريم : دنگت راسي ما عندي جواب
شنو الي يخفف حزني شنو يگدر يسويلي ويزول اشتياقي لأبوي
ليش شنو يگدر يحچي ويخفف عني واني المشتاقه الشخص ميت
مرات احس ابوي الدم اليمشي بوريدي عايش بروحي شلون أنساه ؟!

من شاف سكوتي اكتفه بكلامه وفضل السكوت رفع أيده يمسح على خدي بحنيه
مرت فترة واحنه على هذا الحال من حسيت نفسي صرت احسن
رفعت راسي اباوع لعيونه نظراته كلها حيرة وقهر
ابتسمت وگمت گعدت على رجليه حاضنه رگبته بوسته بوجهه
بوسات متفرقه ما ابتعدت اله من شفت ابتسامته
ميلت راسي مقابيل وجهه ابتسمت بـحب واني أردد كلامي

ريم : احمد الله عليك أنته افضل زوج واحن زوج أنته انسان متميز بين البشر ومن حسن حضي صرت نصيبي احبك رجاسي ..

ضحك بخفه وعصرني بقوة مدخلني بضلوعه شالني بين ايديه مددني على الچربايه وهوَّ بصفي بكلامه وحركاته غير نفسيتي
چان كلشي يسووي بس حتى انسه وارجع اضحك ومن صدك حمدت ربي على نصيبي ..