Affection
💗 အပိုင်း 1 💗
တစ်စုံတစ်ယောက်က သူမအား မြင်သွားမှာကို စိုးရိမ်နေသည့် ထိတ်လန့်မှုတွေနဲ့ ခြေလှမ်းတွေကို ရှေ့ဆက်ရင်း ခမ်းနားလှပခြင်းတွေ ပြည့်နှက်နေတဲ့ ဟိုတယ်ကြီးတစ်ခုထဲသို့ အင်ကြင်း တိတ်တိတ်လေး ၀င်လာခဲ့မိသည်။
ထိုစဉ် သူမရှိရာသို့ တန်းတန်းမတ်မတ် လျှောက်လာသည့် ၀န်ထမ်း 2 ယောက်ကို မြင်လျှင် အင်ကြင်း ချက်ချင်းပဲ နံရံအကွယ်တစ်ခုမှာ ပြေးပုန်းလိုက်မိသည်။
ထို၀န်ထမ်း 2 ယောက်လုံးက သူမကို မမြင်ဘဲ ကျော်သွားကြတော့မှ အင်ကြင်း ပင့်သက်တစ်ချက် ရှိုက်လိုက်သည်။
၀န်ထမ်းတွေအနေနဲ့ အခုချိန်မှာ ဒီလိုနေရာမျိုးကို မဖိတ်ထားဘဲ ရောက်လာသည့် သူမကိုသာ သတိထားမိသွားရင် ဒီထဲကနေ ချက်ချင်းဆွဲထုတ်သွားကြမှာ အသေအချာပင်။
လူရှင်းသွားတော့မှ သူမရဲ့ ရည်ရွယ်ရာနေရာဆီသို့ အင်ကြင်း ခပ်သွက်သွက် ခြေလှမ်းတွေဖြင့် ဦးတည်လိုက်သည်။
ဖိတ်စာမရှိဘဲ လာခဲ့ရတာမို့ ဒီနေရာမှာ သူမရဲ့ ဖြစ်တည်မှုက တရားမ၀င်ပါ။
နောက်ဆုံးအနေနဲ့ သူ့ရဲ့ အပြုံးတွေကို မြင်ချင်လွန်းလို့သာ အခုလို အရဲစွန့်လာခဲ့ရတာ ဖြစ်သည်။
မင်္ဂလာခန်းမနားကို ရောက်တော့ ဘယ်သူမှ မမြင်နိုင်လောက်မယ့် နေရာနားကနေ အင်ကြင်း ခန်းမထဲကို ၀င်လာခဲ့လိုက်သည်။
ခန်းမကြီးက ကျယ်၀န်းလွန်းလှပြီး မင်္ဂလာပွဲကို တက်ရောက်လာကြတဲ့ ဧည့်သည်တွေကလဲ အများကြီးပင်။
အနုပညာလောကမှာ အအောင်မြင်ဆုံး သူနှစ်ယောက်ရဲ့ မင်္ဂလာပွဲဆိုတော့လဲ အနုပညာအသိုင်းအဝိုင်းတစ်ခုလုံးသာမက ကင်မရာတဖျတ်ဖျတ်နဲ့ ရိုက်ကူးရေးလုပ်နေသည့် သတင်းသမားတွေပါ ရှိနေသည်။
အဲ့လိုလူတွေအများကြီးကြားထဲမှာ အထင်ရှားဆုံးဖြစ်နေသည့် သတို့သားနဲ့ သတို့သမီးကို မြင်လိုက်ရလျှင် အင်ကြင်း နာကျင်ခြင်းများစွာနဲ့ ဖျော့တော့စွာ ပြုံးလိုက်မိသည်။
YOU ARE READING
💗 ချစ်မြတ်နိုးခြင်း 💗
Romanceမှားခဲ့သမျှ အရာအားလုံးအတွက် အသစ်တဖန် ပြန်လည်မွေးဖွားလာပြီးနောက် 💗💗 မွားခဲ့သမ်ွ အရာအားလံုးအတြက္ အသစ္တဖန္ ျပန္လည္ေမြးဖြားလာၿပီးေနာက္ 💗💗
