Affection
💗 အပိုင်း 15 💗
Contact name မှာ ပေါ်နေတဲ့ နာမည်က သူ မျှော်လင့်ထားသလို အင်ကြင်း ဖြစ်မနေဘဲ YiRi ဖြစ်နေတာကြောင့် မင်းစက် အံ့ဩသွားရသည်။
YiRi က ဒီအချိန်ကြီး သူ့ဆီကို ဘာလို့ ဖုန်းဆက်တာပါလိမ့်။
"ဟယ်လို ......"
"ဟယ်လို မင်းစက် ..... YiRi ဒီအချိန်ကြီး ဖုန်းဆက်လိုက်တာ အနှောင့်အယှက် ဖြစ်သွားလားဟင် ......"
"ဟင့်အင်း မဖြစ်ပါဘူး YiRi .... "
"အဲ့တာဆို တော်သေးတာပေါ့ရယ်......"
"ကျွန်တော့်ကို တစ်ခုခု ပြောစရာရှိလို့လား YiRi ......"
"ဟုတ်တယ် မင်းစက်...... ဟိုလေ .....YiRi မင်းစက်နဲ့ ဇာတ်ညွှန်းအကြောင်းလေး နည်းနည်း ဆွေးနွေးချင်လို့ပါ ......."
"Parallel ကို ပြောတာလား YiRi "
"ဟုတ် ...... အဲ့က အပိုင်း 9 မှာ ပါနေတဲ့ ဒိုင်ယာလော့လေးတွေကို YiRi နည်းနည်းပြန်ညှိချင်လို့ မင်းစက် ...... အဲ့တာ YiRiကို မင်းစက် အချိန်နည်းနည်းလောက် ပေးလို့အဆင်ပြေမလားဟင်....."
"ဇာတ်ညွှန်းထဲမှာ ပါတဲ့ ဒိုင်ယာလော့တွေကို ပြန်ပြောင်းချင်တာလား YiRi ......"
"ဟုတ်တယ်မင်းစက် ..... YiRi ပြောကြည့်တာ တော်တော်လေး ထောက်နေလို့လေ ...... အဲ့တာကြောင့် နည်းနည်းလောက် ပြန်ပြောင်းမလားလို့...... မင်းစက် အဆင်ပြေနိုင်မလားဟင်......"
"ကျွန်တော်ကတော့ အဆင်ပြေပါတယ်......ဒါပေမဲ့ YiRi အရင်ဆုံး အဲ့ကိစ္စကို စာရေးဆရာနဲ့ ဒါရိုက်တာကို ပြောသင့်တယ်လို့ ထင်တယ်ရယ် ......"
"YiRi ပြောပြီးပါပြီး မင်းစက်...... ဆရာမရော ဒါရိုက်တာကြီးရောက မင်းစက် အဆင်ပြေရင် ရတယ်လို့ ပြောတယ်ရယ်......"
"ဪ အဲ့လိုဆို ခဏနော် YiRi ..... ကျွန်တော် ဇာတ်ညွှန်းစာရွက် သွားယူလိုက်အုံးမယ်......."
မင်းစက် ဇာတ်ညွှန်းစာရွက်ကို ယူပြီး အပိုင်း 9 နေရာကို လှန်လိုက်ကာ YiRi ပြောတဲ့ ဒိုင်ယာလော့တွေကို ဖတ်ကြည့်လိုက်သည်။
ပြီးတော့ နှစ်ယောက်လုံး အဆင်ပြေနိုင်လောက်မယ့် ဒိုင်ယာလော့မျိုးကို စဉ်းစားပြီး ပြန်ပြင်ဆင်လိုက်ကြသည်။
YOU ARE READING
💗 ချစ်မြတ်နိုးခြင်း 💗
Romanceမှားခဲ့သမျှ အရာအားလုံးအတွက် အသစ်တဖန် ပြန်လည်မွေးဖွားလာပြီးနောက် 💗💗 မွားခဲ့သမ်ွ အရာအားလံုးအတြက္ အသစ္တဖန္ ျပန္လည္ေမြးဖြားလာၿပီးေနာက္ 💗💗
