Affection
💗 အပိုင်း 13 💗
MD ရုံးခန်းရှေ့ကို ရောက်တော့ အင်ကြင်း တံခါးကို နှစ်ချက်ဆင့်ခေါက်လိုက်သည်။
"၀င်ခဲ့ပါ ......"
ကိုကြီးကောင်းစက်ရဲ့ တုံ့ပြန်သံကို ကြားတော့မှ အင်ကြင်း တံခါးကို အသာတွန်းဖွင့်ပြီး ၀င်လာခဲ့လိုက်သည်။
"ဪ အင်ကြင်းပါလား ....."
ကိုကြီးကောင်းစက်က သူမကို မြင်တော့ ခေါင်းတစ်ချက်ငြိမ့်ပြသည်။
"ကိုကြီး သမီးကို ခေါ်တယ်ဆိုလို့ ....."
"ဟုတ်တယ် အင်ကြင်း ...... ဒီမှာ ညီ့အတွက် ဇာတ်လမ်းတစ်ပုဒ်ရထားလို့လေ ..... ကိုကြီး ဖတ်ကြည့်တာတော့ ဇာတ်လမ်းက တော်တော် မိုက်တယ် ...... စာရေးဆရာနဲ့ ထုတ်လုပ်ရေး ကုမ္ပဏီဘက်က Male Lead နေရာအတွက် ညီ့ကို ကမ်းလှမ်းထားတာ ...... အဲ့တာ ညီ့ကို တစ်ချက်ဖတ်ခိုင်းကြည့်ပါလား ...... သူ သဘောကျတော့လဲ လက်ခံလိုက်တာပေါ့ ....."
"Parallel လား ကိုကြီး......"
"ဟင် ..... အင်ကြင်းက ဘယ်လိုလုပ်ပြီး သိနေတာလဲ ......"
ဇာတ်လမ်းအကြောင်း သူ ဘာမှ မပြောရသေးဘဲနဲ့ အင်ကြင်းက ဇာတ်လမ်းနာမည်ကို ကြိုသိနေတာကြောင့် ကောင်းစက် အံ့ဩသွားရသည်။
အဲ့တော့မှ အင်ကြင်းလဲ လွှတ်ခနဲ ထွက်သွားမိတဲ့ ကိုယ့်ကိုယ်ကိုယ် အပြစ်တင်လိုက်မိသည်။
"ဒီအတိုင်းပဲ မှန်းကြည့်လိုက်တာပါ ကိုကြီး ....... အဲ့ဇာတ်လမ်းက ဟိုတလောထဲက လိုင်းပေါ်မှာ နာမည်ကြီးနေတာရယ်...... ပရိတ်သက်တော်တော်များများကလဲ Male Lead နေရာကို မင်းစက်နဲ့ လိုက်တယ် ၊ မင်းစက် ဖြစ်ရင်ကောင်းမယ်ဆိုပြီး ခန့်မှန်းနေကြတာရယ်...... အဲ့တာကြောင့် Parallel များလားဆိုပြီး ထင်လိုက်မိလို့ပါ......"
အကြောင်းပြချက်ကောင်းကောင်း ရှာတွေ့သွား၍ အင်ကြင်း စိတ်ထဲကနေ ပင့်သက်ရှိုက်လိုက်မိသည်။
"ဪ အဲ့လိုတွေ လိုင်းပေါ်မှာ ခန့်မှန်းနေကြတာလား....... အဲ့တာဆို ညီသာ လက်ခံလိုက်ရင် ပရိတ်သက်တွေ ထင်ကြေးပေးထားတာ မှန်သွားမှာပေါ့ ...... Female Lead နေရာကိုရော အဲ့မှာ ဘယ်သူတွေကို ခန့်မှန်းထားကြသေးလဲ အင်ကြင်း ....."
YOU ARE READING
💗 ချစ်မြတ်နိုးခြင်း 💗
Roman d'amourမှားခဲ့သမျှ အရာအားလုံးအတွက် အသစ်တဖန် ပြန်လည်မွေးဖွားလာပြီးနောက် 💗💗 မွားခဲ့သမ်ွ အရာအားလံုးအတြက္ အသစ္တဖန္ ျပန္လည္ေမြးဖြားလာၿပီးေနာက္ 💗💗
