💗 ချစ်မြတ်နိုးခြင်း 💗

💗 အပိုင်း 14 💗

Affection

💗 အပိုင်း 14 💗

ဇာတ်ညွှန်းဖတ်ပွဲမှာ အတူတူရှိနေခဲ့ကြတဲ့ မင်းစက် နဲ့ YiRi တို့ရဲ့ ပုံတွေကို တင်ထားသည့် Post အောက်မှ comments တွေကို အင်ကြင်း လိုက်ဖတ်နေမိသည်။

"Arr.......ငါ့ရဲ့ Couple လေး နောက်ဆုံးတော့ တကယ်ဖြစ်လာခဲ့ပြီ....."

"Casts တွေ မရွေးခင်ထဲက ကိုယ့်မှာ ML နဲ့ FML ကို သူတို့နှစ်ယောက်ဖြစ်ဖို့ ဆုတောင်းလိုက်ရတာ....... နောက်ဆုံးတော့ ဆုတောင်းတွေ တကယ်ဖြစ်လာခဲ့ပြီ!!! တာ၀န်ရှိတဲ့သူတွေရော Production Team ကိုပါ တကယ်ကျေးဇူးအများကြီးတင်ပါတယ် TT ❤️ "

"မင်းစက် နဲ့ YiRi ဆိုပြီး Page ထောင်ရင် ကောင်းမလား မသိဘူး ...... သူတို့ 2 ယောက်ကို သေချာလေး Support ပေးချင်လို့လေ ......."

"ဇာတ်လမ်းရော သရုပ်ဆောင်ကြမယ့်သူတွေရော ဒါရိုက်တာပါ အကုန်ကောင်းကြတာ.....ဒီ Parallel ဇာတ်ကားမှ မအောင်မြင်ဘူးဆိုရင် ဒီနှစ်အတွက် ဘယ်ကားမှ အောင်မြင်မှာ မဟုတ်တော့ဘူး......ကျိန်းသေပေါက် ပြောရဲတယ်......"

"ကြည့်ပါအုံး ..... မင်းစက် နဲ့ YiRi က ဇာတ်ညွှန်းဖတ်ပွဲမှာထဲက နှစ်ယောက်သား Chemistry တွေမိနေကြတာ....... အပြင်မှာပါ တွဲပေးလို့ မရဘူးလား ‌..... တောင်းဆိုပါတယ် 😭😭 "

"အပေါ်က comment ကို ထောက်ခံပါတယ်..... အဲ့ 2 ယောက် အပြင်မှာပါ တကယ် တွဲသွားကြရင် ကောင်းမယ်..... အရမ်းလိုက်ဖက်သောပဲနော် 😭😭 "

Comments တွေက အချိန်နဲ့ တစ်ပြေးညီ တစ်ခုပြီးတစ်ခု တက်လာ‌နေ၍ အင်ကြင်း ဆက်မဖတ်နိုင်တော့ဘဲ ဖုန်းကို ပြန်ပိတ်လိုက်ရသည်။

သူမအတွက် အတိတ်တုန်းက အ‌ဖြစ်အပျက်တွေဟာ အခု နောက်ထပ်တစ်ကျော့ ပြန်လာနေပြီဖြစ်သည်။

အတိတ်တုန်းကလဲ မင်းစက် နဲ့ YiRi တို့ရဲ့ Parallel ဇာတ်ကားဟာ အခုလိုပဲ ဇာတ်ညွှန်းဖတ်ပွဲထဲက ပရိတ်သက်စိတ်၀င်စားမှုကို ရရှိခဲ့သည်။

မူရင်း၀တ္ထုကိုက လူကြိုက်များပြီးသားမို့ ဇာတ်ကားပြန်ရိုက်ဖို့အတွက် Casts ရွေးတဲ့အချိန်မှာလဲ ရွေးလိုက်တဲ့ Casts တွေက ဇာတ်လမ်းထဲက Characters တွေနဲ့ အံ၀င်ခွင်ကျဖြစ်နေတာမို့ ပရိတ်သက်တွေ ပိုပြီး သဘောကျခဲ့ကြသည်။