💗 ချစ်မြတ်နိုးခြင်း 💗

💗 အပိုင်း 33 💗

Affection

💗 အပိုင်း 33 💗

လွန်ခဲ့တဲ့ ရက်ပိုင်းကမှ ထွက်ရှိခဲ့တဲ့ သူတို့အဖွဲ့ရဲ့ အယ်လ်ဘမ်အသစ်က အခု အချပ်ရေ တစ်သန်းကျော် ရောင်းကုန်သွားပြီဆိုတဲ့ သတင်းတက်လာတာကို ကြည့်ပြီး မင်းစက် နှုတ်ခမ်းထောင့်စွန်းတွေ အနည်းငယ်မြင့်တက်သွားရသည်။

Comeback တစ်ခါလုပ်တိုင်းလုပ်တိုင်း ရှေ့မှာလုပ်ခဲ့တဲ့ Comeback ကို နောက်မှလုပ်တဲ့ comeback က အမြဲ စံချိန်ချိုးနိုင်သည်။ အဲ့တာက သူတို့အဖွဲ့နဲ့ fandom ရဲ့ signature လို့တောင် ပြောလို့ရသည်။

မင်းစက် သတင်းကို ဖတ်ပြီးပြီးချင်း သူ့ရဲ့ အကောင့်ကနေ ပရိတ်သက်တွေကို ကျေးဇူးတင်ကြောင်းနဲ့ နောက်ကိုလဲ Electron အဖွဲ့က အများကြီး ထပ်ပြီး ကြိုးစားသွားပါ့မယ်ဆိုတဲ့အ‌ကြောင်း Post တင်ပြီး ပြောလိုက်သည်။

သူ Post တင်လို့ ပြီးပြီးချင်းမှာပဲ အင်ကြင်းက နားနေခန်းထဲကို အလျင်စလို ပုံစံမျိုးနဲ့ ၀င်လာသည်။ ဒါပေမဲ့ မျက်နှာက ပြုံးရွှင်နေတာမို့အင်ကြင်းလဲ album sales 1 million ကျော်သွားတာကို သိလာပုံရသည်။

"မင်းစက်...... နင် album sales အကြောင်း သိပြီးသွားပြီလား......"

"1 Million ကျော်သွားတာကို ပြောတာမလား...... အခုလေးတင် သတင်းတက်လာလို့ သိပြီးပြီ......"

"ကောင်းလိုက်တာနော်...... အခုဆို နင်တို့မှာ Million နဲ့ချီပြီး ရောင်းရတဲ့ album 7 ချပ်တောင် ရှိနေပြီ....... ဒီတစ်ခေါက်ကတော့ 1 Million ပြည့်တာ အမြန်ဆုံးပဲ ....... Record အသစ်ထပ်တင်တာ .......ဒါနဲ့ ပရိတ်သက်တွေကို ကျေးဇူးတင်တယ်ဆိုတဲ့အကြောင်း Post တင်လိုက်အုံးနော် မင်းစက်......"

"နင် ပြောတာတောင် နောက်ကျနေပြီ...... ငါခုဏလေးတင် Post တင်လိုက်တာ......."

အင်ကြင်းက သူ့စကားကြောင့် ခေါင်းငြိမ့်ပြီး ကျေနပ်စွာ ပြုံးလေသည်။

အင်ကြင်းကို ကြည့်ရတာ သူ့ထက်တောင် ပိုပြီး ပျော်နေပုံရသည်။

"Album sales 1 Million ကျော်သွားတာက ပထမဦးဆုံးလဲ မဟုတ်တော့တဲ့ဟာကို အဲ့လောက်တောင် ပျော်ရလား......"

"ပျော်တာပေါ့ ...... 1 Million ကျော်တာ ပထမဦးဆုံး မဟုတ်တော့ပေမယ့် ဒီတစ်‌ခေါက်က အမြန်ဆုံးရလိုက်တာလေ......ပြီးတော့ Music charts‌ တွေမှာလဲ title song တစ်ပုဒ်ထဲ မဟုတ်ဘဲ album ထဲမှာ ပါတဲ့ ကျန်တဲ့ သီချင်းတွေပါ အခြေအနေကောင်းနေတာ...... ဒီ Comeback လောက် ပျော်စရာကောင်းတာ ဒီ comeback ပဲ ရှိတယ်...."