المسبحة (تراث الاجداد )

الحلقة الاربعون

المسبحة (تراث الاجداد)
بقلمي انا حوراء حسن
لاتنسون التصويت والتعليق على الفقرات
اضافة حسابي انستا its_ho0rr
_________________________________

وأما أنا لازلت على وعدي
أحببتك وسأحبك للأبد
حوراء حسن

___________________________________

<قطر الندى>

اليوم حنة خديجة ولازم بعد عشر دقائق نطلع أني ورحيق لأن عمتي ماراح تجي ويانا مرة جبيرة بالعمر ماتحب الاصوات العالية والاختلاط تأخرت رحيق فعطت بصوت عالي
قطر الندى:- صخماننن رحيققق وينججج

أجاني صوتها وهي تكول
رحيق:- ولج الحيةةة waitttt
ال hals مالتي ماكوووو

قطر الندى:- وين راححح؟؟

رحيق:- ما أدري

بقت هي فوك تدور على الكعب مالتها وأني منتظرتها جوة بعد ربع ساعة نزلت تطك بكعبها وكفت على حيلي وكلت
قطر الندى:- وأخيرًا خلصت البرنسيسة

رحيق:- لج غير هذا ال hals مالكيته غيرت اللون واضطريت اغير الفستان هم

قطر الندى:- بس هذا أحلى صراحة لايك الج اكثر

رحيق:- شكرًا لجينات أبي لولاه أني كلشي ماكو هههه

قطر الندى:- شكد ادبسزز يلا امشي تأخرنا

رحيق:- منو راح ويه خديجة للصالون؟

قطر الندى:- أمي ربى وفاطمة وعمة كهرمانة

رحيق:- عفية اخاف اخربط بين أمج الحقيقة وزوجة عمج لان أنتوا للاثنين تكولون يمَة

قطر الندى:- لأن أمي ربى هي الي اتكفلت بينه من تروح أمي للبيت جدي زعلانة بسبب مشاكلها ويه ابوي وجانت تاخذ اربعة او خمس اشهر وهي عند بيت جدي وأحنه أحترامًا لأمي ربى نكول الها يمَة

رحيق:- فدوة شكد Cute حبيتها

قطر الندى:- عوفي الكيوت وخلينا نمشي تأخرنا

طلعنا أني وياها بسيارتي لان نور مايكدر ياخذنا طالع هو والسيد عدهم شغل ومن يخلصون يروحون لحنة الولد مناك سوية

وصلنا للبيت ومالكيت خديجة بعدها ما واصلة بس البنات موجودات ماجانت خديجة ناوية تسوي حنة بس كل البنات لحن عليها وهي وافقت تسويها بأخر لحظة
استقبلتني ناهدة مبتسمة
ناهدة:- ياهلاا بالحلوات

قطر الندى:- هذا الاستقبال الي لو لرحيق بس؟

ناهدة:- أنتِ مايحتاج ارحب بيج البيت بيتج بس هالحلوة اول مره تجي لازم نرحب بيها بكل ود

رحيق:- حبيبتي نهودة هو بس وجهج أحلى ترحيب مايحتاج تحجين

قطر الندى:- أنهجم بيتج كون منيلج هذا الحجي

رحيق:- من أكول عليها حية تزعل من عندي شبيج وياي ولج

ناهدة:- كافي يمعودات شنو أضل أفارغ بيجن أني ماكو وحدة عاقلة