شيفرة أمل

11

محمود ..

-مالك !

-إتكلم كويس يا غلام وقول أمرك مولاي ..

-يلوي رقبتك يا أويس ...وبالله أطلع من جو حريم السلطان دا وتعال سوق يلا ..

من لهجة محمود ..أويس عرف انه وصل آخره ..نزل بهدوء واتبادلوا المقاعد ..

-هسي إستفدت شنو يا أويس من العرض دا كلو !

-عشان البت معين تاني تعمل لي ألف حساب مش تلطش فيني كأني أصغر عيالها ...بالله شفت الصدمة على وشها ؟وكمان البوبار أهم شي ..

-تمام لما يعرفوا إنها م عربيتك براك وانا شريكك فيها وكمان أبوي وأبوك تموا لينا المبلغ ..وقتها أتبوبر كويس ..

-ح يعرفوا كيف اذا انت م إتكلمت ..؟

-لأ ودايرني العمر كله أسكت وأخليك إنت تفرح وتمرح فيها براك وانا سواق تحتك وأناديك مولاي ؟

-يعني عايز صحبك يتشرشح آخر عمره ! وإتخيل معين ووسن ح يعملوا شنو لو عرفوا ..

-كان تفكر قبل م تعمل المسرحية البايخة دي ..

-وانت م كان توافق بالاتفاق وخلاص ..

-لأني عايزك تعرس وأخلص منك .

-الفيك إتعرفت يا صاحبي ...عايزني أعرس والمشاكل تشيب راسي وأعجز وانت تبقى شاب في نظر المجتمع ..

-م هو لو انت م عرست وعد ح تشيب وتشيب راسي معاك ..

______________

-العربية حقت أويس ومجنون سلمى سوا ؟ وكمان ناس أبوي دافعين ليهم نص المبلغ !

-تخيلي أخوكي الكذاب...هسي ماما عملت ليهم جلسة تحقيق وإعترفوا بكدا ..

-الحمد لله وإلا كنا ح نموت مذلولين تحت رحمة أويس ..

-أنا بحاول م أكون شريرة معاهم لكن براهم بضطروني لكدا..

-حتى انا ..(ضحكة شريرة) .

.........

لبسنا عباياتنا وعايزين نمشي السوق للفساتين نجيبهم من الخياط ...لقينا محمود راكب في العربية الجديدة وأويس جا يركب بسرعة مشينا وركبنا في المقاعد الخلفية ...محمود إلتفت لينا وهو مستغرب ..

-دقيقة دقيقة ..مركبكم هنا شنو ؟ ..

-ليه م عايزننا نبارك عربيتنا الجديدة !

-عمى ليلي إنتِ وهي ..عربيتنا قال ..

-أويس ي أخوي لو نسيت أذكرك ...العربية دي انا دافعة فيها ربع المبلغ ووسن برضو ..

-أربعة سنة سجن كفالة م تطلعكم ...ربع شنو الدافعاه ؟

-أنا وأبوي الحالة ون..مش يا سونااا ..