شيفرة أمل

10

طبعاً ودينا الشيلة والحبسة للعروستين وكل شي من فترة ...بدينا تجهيزات العرس وشبه عندنا موضوع بعد دا ...

إتذكرت فساتينا العند الخياط ومفروض نمشي نشوفها عمل فيها شنو ...طلعت من بيتنا لبيت عمو خليل ...كان هدوء قريب عامي المنزل ...م إتطمنت أبداً ...دخلت الصالة شايفة ..وسن ومجنون سلمى وحتى العروس ميس قاعدين في كنبة وحدة وبكل أدب ..وخالتو إيمان واقفة قدامهم وفي يدها سلاحها (الشحاطة السوداء) طبعاً دي اخطر شحاطة في البيت واذا إستعملتها خالتو إيمان معناها موضوع جدي ولا يستحمل النقاش ..

-السلام عليكم يا أهل الدار ..

فجأة لقيت نفسي معاهم في الكنبة وملتزمة الصمت ..

-وانا في الإعدادية كنت مؤدِبة كل تلاميذ المدرسة مش الصف بس ..لما يتذكر إسم إيمان كل الحارة بتنضب...مفتكرين ح تغلبني تربايتكم يا أولاد ..

-ح تربينا وإحنا كبار ؟

نظرة وحدة من خالتو إيمان خلت ميس تبلع لسانها وتسكت...

-عمكم وأولاده جايين يوم الجمعة ..قلة أدبكم الظهرت مؤخراً دي أحسن تختوها على جنب وتحترموا نفسكم لما الضيوف يرجعوا الكويت..تتأدبوا ؟..تمثلوا إنكم مؤدبين ؟م دخلي المهم طول فترة تواجدهم غير كلمة حاضر م أسمع منكم شي...مفهوم ؟

كلنا بصوت واحد ..

-مفهوم يا أستاذة إيمان ..

عاينت لوسن ومحمود وقالت ..

-وسن تضبي أغراضك وتنتقلي لغرفة ميس لأنو غرفتك ح نرتبها لمرة عمك تنزل فيها ...وانت كذلك تلم أغراضك عشان غرفتك ح ينزلوا فيها أولاد عمك ..

-وأمشي وين يعني ؟

-تمشي ل أويس أو تسكن في الزقاق م دخلي ..معاكم باقي اليوم دا تعملوا القلتو ليكم والا ح تلقوا حاجاتكم في الشارع ..

انا وميس كنا كاتمين الضحكة بالعافية ...فجأة عاينت ل ميس وقالت ..

-وانتِ يا أستاذة ميس ..دور إليسا الداخلك الأيام دا م عايزاه ...توحدك ونفسياتك دي م تنفع معاي ..عروس اهلاً وسهلاً ، خليك في حبستك ومواضيعك لكن م تعيشي دور المفارقة أهلها وح تسكن آخر الكرة الأرضية ،انا لو مديت يدي بلمس بيتك الح تسكني فيه ..

وقتها م قدرنا نمسك ضحكتنا...وميس بتعاين لينا وهي واصلة أخرها ...

-وانتِ يا لولة ..تتصرفي مع صحبتك دي ...زي م خليتيها تنجح في الميدتيرم كمان تخليها مؤدبة وعارفة الأصول كويس لحدي يوم الجمعة ..واضح ..

-واضح ..

عاينت لوسن نظرة أجهزي بعد دا ...رجعت تاني لمحمود ...

-وانت يا مجنون ..

-سلمى ..

-نعم !