شيفرة أمل

12

اليوم حنة خالد وفراس...عاملنها في جنينة البيت ...الإتزينت بطريقة حلوة وأهلنا كلهم شرفوا بالاضافة للجيران.. طبعاً ميس معاها خالتو إيمان بس في البيت الباقي كلهم جو الحنة ..

-خلاص قصنوا ..

إلتفتت لوسن بحيرة وسألتها ...

-دا شنو دا ؟

-عايني البنات بعاينو لوليد كيف تقول ياكلنو والعجب العاملات فيها معجبات وبتصورن معاهو ديل ...

-(ضحكت)م تركزي ... إلانسان دا كاتب مشهور وطبيعي يحصل معاهو كدا ..وبعدين انتِ غضي بصرك حرام تعايني للولد كدا ...

-المهم ارح معاي جوا أصلح طرحتي دي حاساها م تمام ..

كنا داخلين جوا ..بس وسن إصدمت بزول ..وكان دا محمود أخوها ..

-م بتشوفي !

-وانت مالك عيونك ب ورا .؟

أويس عاين لينا بخيبة أمل وقال لمحمود ..

-من ولد عمك دا جا وانا البنات ديل حالتهم م عاجباني...

-والله لو م لميتن عيونكن ديل بقلعهن ليكن..

محمود قال كدا وطلعوا الاتنين ..

-معقولة إنبراشنا واضح للدرجة دي ؟

-طول م إنتِ ملصقة عيونك في الولد كدا طبيعي السودان كله يعرف ..

-ياخي لو م 60 نظرة في اليوم من غير رمشة ...يعني شايفني برقص قدامه...

-لا حول ولا قوة إلا بالله...صلحي طرحتك دي وخلينا نطلع الحنة ح تبدأ..

الحنة كانت هادية ومميزة بكل تفاصيلها ..

-لولة شوفي ...

عاينت مكان بتوصف وسن ..شايفة أويس مركز مع وعد بت خالتو سمية وبسترق النظرات ليها ..

-معقول !

-أكيد ...تتذكري الجوطة العملها لما قلتي لي وعد جاها خطيب ! باااس ..معناها الاخو وقع ..

-قصدي معقول أويس الحجر طلع عنده مشاعر للجنس الناعم ؟

ضحكنا وكملنا باقي اليوم ب بسط وسعة صدر ...

.......

لما موعد العرس قرب أهل عمو خليل الفي مصر جو عشان يحضرو العرس طبعاً..

حنة ميس إتعملت بطريقتهم هم ومخصصة للنسوان بس ، كل الرجال مشوا بيتنا فضلنا احنا حريم بس في البيت .

والاجواء كالآتي ..

بجيبو صينية كبيرة وبملوها حنة بقولو عليها (جبل الحناء)بعد يعجنوها بزينو الصينية بالورود وبتطلع العروس بالزي التقليدي (الثوب الفلاحي المطرز)والنسوان بغنوا ليها..

"سبل عيونه وماد ايدوا يحنوله

غزال صغير بالمنديل يلفوله

يا امي يا امي عبيلي المخداتي