ဟက်စကီးကောင်၏ဘေး၌ ရှင်သန်ရသောနေ့ရက်များ(ဘာသာပြန်)

Chapter 23

အချိန်အခါ နှစ်ခု

"သူ့ရဲ့ ပိုင်ရှင်က သူ့ကို တကယ် မတော်တဆ ပျောက်သွားပြီးတော့ ပိုင်ရှင်က တော်ရုံတန်ရုံ ချမ်းသာတဲ့သူဖြစ်ပေမဲ့ ‌အိမ်မွေး တိရိစ္ဆာန်ပြိုင်ပွဲ စီစဉ်သူနဲ့ သိနေလို့ သူ့ကို အကူအညီ တောင်းလိုက်တာမျိုးလည်း ဖြစ်နိုင်တာပဲ"

စုန့်ယင်းရှီက သူ့ခေါင်းထဲ လှည့်ပတ်နေသော ဘာကိုမဆို ရှင်းလင်းပေးကြည့်ဖို့ ကြိုးစားလိုက်သည်။

"ဒါမှမဟုတ် သူ့ရဲ့ပိုင်ရှင်က ခွေးလေ့ကျင့်ပေးတဲ့ ကျွမ်းကျင်သူဖြစ်နေတာမျိုး။ ဟွမ်းဟွမ်း ဉာဏ်ကောင်းနေတာတွေက သူ့ရဲ့လေ့ကျင့်ပေးမှုကြောင့်ဖြစ်မှာပေါ့။ သူက ဒီနယ်ပယ်ထဲမှာ အလုပ်လုပ်တဲ့လူတစ်ယောက်ဖြစ်တော့ ပိုင်ရှင်နဲ့ ပွဲစီစဉ်သူတို့က အချင်းချင်းသိကြပြီး......ဒါမှမဟုတ် သူတို့တွေမသိကြရင်တောင် ၊ ပိုင်ရှင်က သူ့ဘာသာ ခွေးပြိုင်ပွဲအကြောင်းသိပြီး သူ့တို့ဘာသာသီးသန့် လက်ကမ်းစာစောင်တွေ တွေထုတ်မျိုးလည်း ဖြစ်နိုင်တယ်လေ"

သူမက အကြောင်းအရာတွေကို ပိုပြီးတွေးကြည့်လိုက်သည်။

" ဒီကိစ္စနှစ်ခုလုံးက လုံးဝ မပတ်သတ်နိုင်တဲ့ နောက်ထပ် ဖြစ်န်ိုင်ချေလည်း တစ်ခုလည်း ရှိသေးတယ်။ ပိုင်ရှင်က သူ့ကိုရှာဖို့ ငွေလုံးဝ မသုံးချင်လို့ သူတို့က ခွေးပျောက်ကြော်ငြာ လက်ကမ်းစာစောင်ပဲ ကပ်သွားတာမျိုးလည်း ဖြစ်နိုင်တာပဲ။ ငါတို့ ဒီ လက်ကမ်းစာစောင်တွေကို အခြေခံထားရုံလေးနဲ့ သူ့တို့အပေါ် အရမ်း မကောင်းမြင်မနေသင့်ဘူးလေဟာ"

ဒါပေါ့ သူ့အကြေုင်းပြချက်တွေက ရယ်စရာကောင်းမှန်း ကျိုးလီ သိသည် ။ထို့ကြောင့် သူပြောလိုက်၏။

"အင်း၊ မင်းပြောတာတွေလည်း အကျိုးအကြောင်းသင့်ပါတယ်။ ဒါပေမဲ့ ဒီ သံသယဝင်စရာ ကိစ္စတွေနဲ့ ပတ်သတ်ပြီးတော့လည်း မငြင်းန်ိုင်ဘူးလေ ဟုတ်တယ်မလား?"

ထိုအရာအတွက်လည်း၊ စုန့်ယင်းရှီက ဒါလည်း အမှန်ပဲဆိုတာကို ဝန်ခံလိုက်သည်။

ကားပါကင်မှာက ဇိမ်ခံကားတွေချည်း ပြည့်နေကာ ၊မြို့တော်မှာ ကျင်းပမဲ့ ပွဲတော်၏ လက်ကမ်းစာစောင်ကို သူတို့မြို့လေး၏ ဈေးထဲမှာ လာဖြန့်သည်။ ဒီကိစ္စတွေ တစ်ခုနှင့်တစ်ခု ဘယ်လို ဆက်နွယ်နေလည်းဆိုတာ သူတို့ နားမလည်ဘူးဆိုလျှင်တောင် ဒါ‌က တကယ့်ကို နည်းနည်းလောက် ထူးဆန်းနေတာ အမှန်ပင်။