Chapter - 58 [ ကျင်းဝမ် အမျိုးသမီးအဝတ်အထည်ဆိုင်]
ဖန်ကျားယောင်ထွက်သွားတာကိုတွေ့မှသာ ရှန်းယူယွီက ချူရှုဟွာကိုလှည့်ကာပြောလိုက်သည်။ "အစ်ကိုရှုဟွာ သူမသွားပြီ... သကြားသွားဝယ်ရအောင်"
"ကောင်းပြီ" ချူရှုဟွာက ထိုစကားလုံးများကို ခေါင်းထဲကထုတ်မရခဲ့ပေ "အစ်ကိုရှုဟွာနဲ့ ကျွန်မနှစ်ယောက်လုံးက လူလွတ်တွေပါ...ကျွန်မတို့အတွက် အတူတူရှိနေကြတာ တရားဝင်ပြီး သာမန်ဖြစ်စဉ်တစ်ခုပဲလေတဲ့" သူရှက်သွေးဖြာသွားခဲ့သည်။ သူဟာမြင်းဇက်ကြိုးကို အမြန်ဆွဲလိုက်ပြီး လျှောက်သွားလိုက်သည်။
ရှန်းယူယွီလည်း ချူရှုဟွာရဲ့ရှက်သွေးဖြာနေသော မျက်နှာကိုရိပ်ခနဲ့ မြင်လိုက်ရပါသည်။ သူမကခေါင့်ကိုငုံ့ကာပြုံးလိုက်မိလေသည်။ ဘယ်လိုတောင်ရှက်တတ်တဲ့လူငယ်လေးလဲ။
ကျူအိမ်တော်တွင်...
ရှုဝမ်ရုန်သည် ချူကျင်းဇီနှင့် ချူကျင်းယွဲ့တို့ကိုခေါ်ကာ ကျူအိမ်တော်မှာ စန်းဝမ်လုကိုရှာရန် ရောက်လာခဲ့သည်။
ကျူမိသားစုသည် မိသားစုကြီးတစ်ခုလို့ ယူဆလို့ရပေမယ့် ရှုအိမ်တော်လောက်တော့ မကြီးပါချေ။ သို့သော် သူတို့သည်လည်း ကောင်တီရှိ ဂုဏ်သရေရှိသော မိသားစုများတွင်ပါဝင်လေသည်။
စန်းဝမ်လုက ချူကျင်းဇီသူမကိုရှာနေကြောင်း အစေခံမလေးဆီမှကြားသောအခါ ဧည့်သည်များကိုကြိုဆိုရန် အရှေ့ခန်းမထဲသို့ အလျင်အမြန်ရောက်ရှိလာခဲ့သည်။ "ကျင်းဇီ...ကျင်းယွဲ့...ထိုင်ကြပါဦး"
စန်းဝမ်လုက ချူကျင်းဇီကိုမျှော်နေခဲ့တာမလို့ လိုရင်းသာတည့်တည့်ပြောလိုက်သည်။ "ကျင်းဇီ နင်အဝတ်ဒီဇိုင်းတွေအကုန်လုံးဆွဲပြီးသွားပြီလား"
"ဟုတ်တယ် တစ်ချက်လောက်ကြည့်ချင်သေးလား"
"သေချာတာပေါ့"
ချူကျင်းဇီ သေတ္တာကိုဖွင့်လိုက်ပြီး စာရွက်တစ်ထပ်ကို ထုတ်လိုက်သည်။ ထို့နောက် စန်းဝမ်လုကိုကမ်းပေးလိုက်၏။ "စာရွက်တစ်ခုစီမှာ ဒီဇိုင်းတစ်ခုစီရှိတယ်...စုစုပေါင်းအရွက်တစ်ရာပဲ...နောက်ကျရင်လည်း ထပ်ဖြည့်ပေးဦးမယ်"
ESTÁS LEYENDO
လယ်သမားရဲ့ဇနီးမှာ မှော်အတတ်ပညာတွေရှိတယ် - Book 1
FantasíaI don't own this story! Alternative- 农家小福妻有法术 Status - Chapter 1025 (complete) Author- beyond the moon Genres - romance
