سبحانك اللهم لا إله إلا أنت اني كنت من الظالمين ..
.
اسعد: غر اسكت وخش شوفه ..
حسن: علاش مش انت؟؟
وجدان: سقدونا بالله عليكم وخشوا اقتلوووه ..
حسين: خييركم؟؟
هو حسين جي مع ايهم وكانوا يشوفوا ل حسن واسعد اللي كانوا يتناقروا
وجدان جبدت المكنسه من حسن وخشت بعد ما خدت شهيق قوي..
الكوجينه اللي برا .. كانت بعيده هلبا على الباب ..
ومش جزء من حوش حد .. زيها زي الصاله متع الرجاله والصاله متع النساوين ..
حسن: في فار خاش والعاملات هربوا .. ووقت على الماكله ..
وجدان طلقت عيطه وخشوا كلهم للكوجينه ..
اسعد يضحك: شن ركبك غادي انتي!
وجدان: مممننن ع رفش.. شفته .. شفتتته ..
حسين: الله يهديك يا عمتنا ثمتلي في الشجاعه وتخشي علاش..
حليمه خشت: شن صاار .. وووه شن ركبك فوق الثلاجه انتي .. نهارك تو اطيحي..
اي ثلاجه طولها ميتروين وجدان كانت فوقها ومطبسه بطريقه خلتهم يضحكوا عليها..
وجدان بتبكي: شفته والله شفته شبحلي وهرب من تحت رجليا ..
اسعد يضحك: جنابي ياربي..
حليمه خبطت راس اسعد: شن ادير واقف دووره انت وياه ..
ايهم بهزوه: هادي تعارك فينا وتفنص فينا وهي جبانه تخاف من فأر..
وجدان: صكر فمكككك..
حليمه: تي تو تتصرفقي يا بنتي
وجدان عيونها توسعوا وهي تشوف جيهة حسن اللي كان مطبس ويدور ..
امجد خدي المكنسه وضرب الفار اللي على ظهر حسن ..
حسن طاح: ظهعرررري...
امجد قعد يضرب في الفار لين مسكين فارق الحياه ..
حسن بيغمى عليه؛ كان عليا؟؟؟
اسعد يضحك: بتقعد ماوس مان ..
ايهم: تمت العمليه بنجاح .. تو كيف بتنزلي انتي؟؟
وجدان: منعرفش .. جيبولي كرسي..
حسين: تعالي انزلك ..
وجدان: كان اطيحني؟؟
رياض خش: غر شن صاير؟؟ وووه شن اديري غادي انتي؟؟
