استغفر الله
الحمدلله
الله اكبر
سبحان الله وبحمده سبحان الله العظيم
لا إله إلا الله محمد رسول الله.
اللهم صل وسلم وبارك على سيدنا محمد
.
هو خليل قعد يخمم على فارس وعلى وجدان..
بعد ما كملت عملية فارس روحوا كلهم بعد ما اطمنوا عليه رغم انه راقد..
وخليل مجرد ما خش للحوش مشي لداره واتكى على السرير وهو يفكر ..
خدي نقاله وكتب ل وجدان رساله ..
" كيف الحال تو؟"
هو مش عارف هل هي راقده او نايضه .. بس كتبلها ووقف باش يدوش ..
.
.
.
باسمه: علاش متوتر انت؟ .. قصدي عمروش عرفت روحك متقدرش تتزوج توا .. اجله حتى شهر اخر العرس ..
سلسبيل: علاش يأجل وهو بوي اعطي كلمه؟
باسمه: اسكتي انتي..
عمران: لالا منحبش التأجيل .. بوي حط البنت في موقف .. قصدي كيف بتوتي روحها في ثلاثه شهور؟
سلسبيل: طول ما الفلوس قاعدات توتي روحها حتى في شهر ..
باسمه: يقصد نفسياً يا وخيتي..
عمران ضحك: بسبوسه انتي احسن اخت..
باسمه مسحت على كثفه: نفهمك من عيونك يا غالي..
هو عمران جي بيشق على خواته ونساوين بوه قعمز في الجردينه مع باسمه وسلسبيل..
سلسبيل: سرور قالت بتجي غدوا ..
عمران: حق؟ .. باهي كويس .. استاحشتها الفرخه والله ..
باسمه: بتجي من الصبح راه بات معانا اليوم؟
سلسبيل: حقا اي .. عمتي ردت لحوش جدي وشقتك فاضيه .. اقعد اليوم باش غدوا نفطروا مع بعض .. وهي اصلا بتبات سرور نردوا ل ايام زمان
عمران سكت شوي ..
باسمه: متفكرش فيها هلبا .. وديرها هي ..
عمران ضحك: خلاص تو نبات ..
سلسبيل: خلي انووض انظفلك دارك ..
