اللهم صل وسلم وبارك على سيدنا محمد
سبحان الله وبحمده سبحان الله العظيم
اللهم انك عفو كريم تحب العفو فاعف عنا
.
في الصبح ايمن ناض من عياط ابرار والاء بحدى وذنه ..
غسل وجها وطلع لقي خواته عندهم .. صبح عليهم وقعمز قعد حاظن امه ..
تقوى: بالله امك لاهيتلك وقت تحظنها توا؟؟ خلي المرا ..
ايمن: اسكتي .. غايره مني بري لأحمد احظنيه انتي..
تقوى دمها انحرق: بنحظنه مال من بنحظن غير راجلي حبيبي..
ايمن رمي عليها المخده: بري انتي وياه الكلب اللي بعتي خوك على خاطره .. حيوانه
حواء: خيرك وليدي بسم الله عليك ..
ايمن: قلبي يوجع فيا .. بنمشي ندير تحليل ..
حواء استغربت ..
تقوى: قلبك .. لأنك تحب ماهو ..
ايمن: لا بجديات نتكلم ..
سكينه انشغلت وقربت منه: بسم الله .. بالك فقر دم زي المره اللي فاتت ..
ايمن: اكيده هكي هي القصه .. ومرات سكر ولا ضغط ..
تقوى بتبكي: بعييد السو عليك يا حيوان يا ماما كلميه معش يفاول..
ايمن انصدم: تي اسكتي يا حماره حطيت احتمال بس .. اصلا قداش ليا شاك ان فيا السكر ولا ضغط ...
حواء قرصاته: بعيد السو عليك .. معش تقول كلام زي هكي ..
ايمن: بنمشي نطل على هب هب وبنمشي للشركه.. ما تبوا شيء؟؟
حواء: لا .. سلامتك .. غر برا للمستشفى باهي؟
ايمن: تم تم..
هو ايمن طلع بعد ما نتش خدود الاء بقوه ..
مشي على رجليه جيهة حوش عمه .. لقي خليل كيف بيطلع ..
ايمن: وين مبكر يا بي.. راجيني شوي نبيك في كلمه .. وخش ناديلي هب هب ..
خليل: علاش تقوللها هب هب .. من دون الناس انت الوحيد اللي تقوللها هكي ..
ايمن ابتسم: نقولك علاش؟
خليل قام حواجبه: قول ..
ايمن: اصلا كان سمعت حد غيري يقوللها هكي حانكسرله سنونه .. هب هب تساوي حب حب .. اختك مناديش فيها بإسمها .. انادي فيها ب شن هي بالنسبه ليا ..
