سبحان الله وبحمده سبحان الله العظيم .
.
هما كلهم التموا في حوش الحاج جمعه ..
باش يطلعوا طلعه وحده كلهم مع بعضهم ..
مهند جاب امه .. ووائل جاب امه ..
اسعد وايهم قرروا يركبوا في نفس السياره وامهاتهم معاهم
وسميره حطتها رؤى ومشت للمستشفى ..
ورياض ركبت معاه امه ومرته .. اما وجدان ف بوها قاللها وصليني انتي..
واي رياض اعترض .. وخوته اعترضوا والولاد اعترضوا ..
واللي زاد دارلهم صدمه ان الحاج جمعه يبيها تسوق تندرا .. اي اي ركب فيها وقاللها اركبي وصليني هي .. قبل على ساس حسين بيوصله ..
بس حسين ركب مع وائل وخلاص..
وحسن رفع امه وبوه ..
باقيهم تقسموا وزيد ركب في سياره بروحه..
رياض: ادير في شي يا بوي .. وبعدين مزال عقابها متمش هي..
وجدان شافتله وهي قايمه حاجبها: مش حانقتل بوي متخممش..
رياض: تي تعرفيها طريق المزرعه انتي اصلا!
وجدان: منعرفهاش .. تو نلحقكم ..
جمعه: خلاص يا رياض برا ل سيارتك ..
هما سمعوا صوت اغاني قوي هلبا من وحده من السيارات وطبعا كانت سيارة اسعد ..
جمعه: نهايته ميت بحادث وهو والع اغاني هالفرخ..
وجدان نزلت مرش سيارتها مره اخرى: رياض..
رياض تلفتلها..
وجدان: فالح كان فيا شوف ولاد خوتك كل واحد احرف من التاني ..
رياض: صكري روشنك خير ما نجي نجبدك من شعرك تو
وجدان قلبت عيونها وصكرت الروشن ...
هما ساقوا بكل هدوء ..
طبعا مش كلهم عندنا اسعد والع اغاني وناسي اللي حواليه ..
هي وجدان قالت ل امجد يبعتلها موقع المزرعه وبعتهلها ..
خشت جيهة المقهى اللي تاخد في قهوتها منه وطبعا رياض لما كلمها بكل براده قالتله بناخد قهوتي وبناخد معاي ل بوي شيء..
ورياض صكر عليها ووقفوا يراجوا فيها ...
خدت قهوتها ب روق بس شوي وكلموها بالواحد ..
شاهي .. آيس كوفي .. ميلك شيك .. قهوه عربيه .. بريوش فستق .. نص نص .. نسكافيه .. بريوش جبنه وعسل .. بريوش شكلاطه ..
