حق المظلوم ⅔

28

اللهم صل وسلم وبارك على سيدنا محمد

لا إله إلا أنت سبحانك إني كنت من الظالمين

.

عبدالرحمن: علاش لا ؟

محمد: عبدالله بيقعد معاي .. خوك مريض بيزيد بيمرض كان عام..

عبدالرحمن: البحر يصحح .. صح ولا يا جدي؟

هو مفتاح شاف ل عبدالرحمن اللي ينق يبي عبدالله يعوم معاه .. وعبدالله كانت فيه حراره ومقعمز بروحه بحداهم بالسيف لأن ايمن بيشوفه راقد مش حايخليه
زي ماقلنا قبل عنده فوبيا ..

عبدالرحمن: تعالا معاي يا عبدالله ..

عبدالله مردش على عبدالرحمن وشاف ل بوه ..

عبدالرحمن: يا بابا شمس مش حايصقع .. اهوا عمو جي..

ومشي لخليل بسرعه..

خليل: يا محمد عوض مريض حتى اليوم راهو  ..

محمد: خش بداله ..

خليل: نوض انت .. انا بنعوم..

عبدالرحمن: اي اي بنمشوا معاك انا وعبدالله .. هيا عبوده ..

خليل شاف ل عبدالله: خير يا رايس مريض مال؟

محمد: حراره من امس .. هاده مناعته زيرو..

خليل: زواج الأقارب..

محمد قلب عيونه ووقف مد ايده ل عبدالله وعبدالله وقف وشد ايد بوه ..

محمد: عبوده معاي اليوم .. وانت خود الحب متاعك ..

عبدالرحمن: انت ديما تفرق فيا على خوي يا بابا..

محمد ضحك : مع الأسف .. انا بنخدم للمغرب وانت بتكمل للساعه 12

خليل: للأسف انا واسعد مسؤولين على المسابقه ...

محمد: دبر راسك..

خليل: صكرها وخلاص..

هو عبدالرحمن مشي مع خليل جيهة الشط وهو مكشخ ..

حتى خليل قامه حطه على كثوفه وقعد يتكلم معاه بالك مزاجه يتعدل ..

عبدالرحمن قعد يرد على خليل ولما وصلوا بحدى الشط خليل نزله..

خليل: تو شوف بنعوموا والأمور طيبه .. تباعد عليا بنادي صاحبي القرش باش ياكلك..

عبدالرحمن: باهي نعوموا وتجري بيا بموطو البحر؟

خليل: شن المقابل؟