اللهم صل وسلم وبارك على سيدنا محمد.
الله اكبر
الحمدلله
استغفر الله
لا إله إلا الله
.
هي وجدان لما بوها تكلم معاها ذكرها بالإتفاقيه..
يابنتي قلتيلي كان خليل رد خطب بدون ما ترد تقوله انت انا موافقه.
ووجدان ربة المهدي وبنت جمعه بتخلف بكلمتها؟؟..
هي حتى انصدمت كيف خليل خطبها بعد شهد على عارها وكيف نطرت اميه على سعدي ...
هي مفهمتش شن الخطبه السريعه هادي .. في وسط دوشة عرس اخته وولد عمه..
هي اصلا مقدرتش ترفض .. لأن بوها وخوها وافقوا ..
وحتى لما تكلمت مع رياض بالك ميصيرش منه الموضوع قاللها خليل ميتعوضش وحاتفهمي كلامي هاده القدام...
هي كانت في صدمه.. لا وافقت .. ولا رفضت .. سلمت امرها ليهم وخلاص ..
هي حتى سمعها اسعد تقول ل رياض ان يفكر مره اخرى في الموضوع علاش التسرع؟ .. اسمع رأيي باه..
نط اسعد قاللها رايك مش مهم دسيه عندك ..
المهم يا جماعه اسعد كان راكب فوق الحيط ووجدان تحدف عليه في كل شيء يجي قدامها باش ايطيح يموت لأنه حرقلها دمها ..
وزيد كان يمدلها في الحاجات باش عمته متتعبش .. زي مثلا كسر كرسي خشبي ومدلها رجليه .. فضى فازة غرس صغيره ومدهلها .. مدلها حجر محطوط ك زينه ومدلها عصي المكانس من دار الخزين .. وساعدوه امجد وايهم ووائل في جيب الحاجات ..
وفي الأخير رياض حزها وخلاهم يتسامحوا .. وقال ل وجدان بتتزوجي غصباً عليك معندناش بنات يتشرطوا .. والسناريو تكرر ورياض حصل رفسه خلاته يلصق في الحيط وهو منصدم من اخته اللي قالتله برا روح من وجهي ودروحك سندي؟؟
هو رياض وافق على الخطبه بعد ما جت سندس تهدرز هي وتسنيم ...
وهو كان مقعمز جنبهم وفي حجره بنته وبنت سندس ..
هي سندس خشت في هلبا مواضيع وانتهي موضوعهم عند خليل!!
شوفوا :
سندس: انتي تخايلي كان يتزوج وجدان شن شكل صغارهم؟؟ .. قصدي علاء يضايق هلبا ويتعفلق كل ما نقوله خليل طرف اغبر! ... مش حقا كلامي؟؟
