سبحان الله وبحمده سبحان الله العظيم..
.
هو يوم العيد كانوا كلهم ملتمين في حوش الحاج محمد ..
ايمن كان مقعمز والاء في حجره حاطه خدها على خده وتشوف جيهة العيله .. اما أيمن ف كان مركز في نقاله ..
هما كلهم يهدرزوا مع بعض .. والنساوين داخل .
احمد: مش عارف هالبنت انا بوووك راني يا الاء
الاء شافتله: نبي خالو ..
احمد: تعالي جاي.
ايمن صكر نقاله وحطه جنبه: هي قربوا نعطيكم عيديه..
هما كلهم عيطوا بحماس وقربوا من ايمن..
ايمن طلع من جيب الزبون فلوس وبدا يمدلهم..
وقف وهو مبتسم ب خبث وقرب من جده خدي عشرين وقام طاقية جده وحطهم تحتها وردها..
تأوه بألم وقعد يضحك شاد فخده اللي ضربه عليه جده...
ايمن رد قعمز: ميتبصرش معاك يا شيباني ..
في حوش الحاج جمعه هي وجدان كانت واقفه واللي هاده يعيد عليها ويبوس على راسها ويستسمح منها ...
هي فهمت انهم متفقين من كبيرهم لصغيرهم ...
ويحسابوها بتتعفلق .. هي قعمزت بهدوء جنب بوها ..
كسرت عينها في الولاد اللي ملامح وجوهم متتفسرش واضح انها خربتلهم مخططاتهم وفعالياتهم..
لذلك وقفت بهدوء طلعت من الصاله ومشت ل حوش بدريه تحديداً دارها .. فتحت الدرج وطلعت ربطة فلوس وردت للصاله...
قعدت اطلع ب العشرين وحطتلهم كل واحد في جيبه بدون ولا كلمه ...
هما كلهم شافولها بصدمه ..
وجدان: عيديه؟ .. وظيفة العمه تعطي عيديه وانتم زي الكلاب تستسمحوا منها ..
هما بدال ما يكشخوا على اهانتها ضحكوا .. حتى طارق زاد يضحك لما حطتله اربعين دينار في جيبه ..
اسعد: اعطيتي ل ايوب و كمال و طارق ووسام أربعين!!! ..علاااش..
ايوب: خيرك غاير انت؟؟
وجدان: العام الجاي كانك بمرتك تو نعطيك زيهم انت مش ند ليهم توا ..
زيد: شن بقلة المرا يعني أقل منهم احني؟؟ ..
وجدان: طبعا ..
ايهم: باهي مش ضروري تكوني صريحه هكي ..
