اللهم صل وسلم وبارك على سيدنا محمد
لا إله إلا أنت سبحانك إني كنت من الظالمين.
.
محمد: غر اصبري يا أمي.. خلي نفهمك..
نجاة: تقولي الفاتحه مصارش منها .. كيف يصييير هكي كيف..
خليل: تي راجلك غبي .. قصدي هادم رخيناهم في فرح ... رخونا في هبه وتمت ...
محمد: هي الفاتحه والقرآن انعقد .. بين هبه وايمن يا أمي..
نجاة قعدت تشوف ل محمد بعدم فهم ...
وفرح اللي كانت عاقله وتسمع شهقت بقوه ..
خليل ضحك: فرح .. خشي خبريهم ..
فرح خشت تجري..
نجاة فرحت: ايمن؟؟ .. ايمن تزوج هبه؟؟
محمد: اي ..
نجاة: كيف صاار هكي!!
محمد شاف جيهة خليل: نصيب يا أمي... نصيب..
هو خليل خاف من ردة فعل هبه لذلك خش وراء فرح..
سمع فرح تدوي بصوت عالي وهي فرحانه ..
طق على الباب ومفيش حد رد ..
بس قعد يسمع في تزغريط ..
محمد جي وراء خليل: انت بتخبرها؟؟
خليل: منقدرش..
محمد: توا فكرت فيها وشن بيصيرلها صح؟؟ ..
محمد تنهد وكمل كلامه: تو نخبرها انا ..
محمد خش للحوش وركب للدروج طول .. طق على باب هبه ... وخش بعد قالت "خش"
محمد: بالله متعيش من البكي؟؟
هبه مسحت دموعها: منبكيش..
محمد قعمز على طرف السرير: صار شيء .. قلب كل شيء..
هبه استغرب: ها؟؟
محمد: جماعة سمير لغوا الفاتحه..
هبه بفرحه: حقاا؟؟
محمد ابتسم: اي حقا .. بس صار شيء تاني..
هبه: واا شن صار يا محمد .. أعيت راني..
محمد: مدامك متبيشي هكي يا هبو علاش تعذبي في روحك؟؟
هبه ردت بتبكي: مش عارفه .. انا لأن بوي قالي ايمن ياسره تشريد.. خليه يجي جنب خواته...
محمد انصدم: يعني انتي تزوجتي بس باش ايمن يرد اهني؟؟
هبه: اي .. عارفه روحي غبيه وخليل كل يوم يذكر فيا بالشي هاده..
