استغفر الله العظيم.
سبحان الله وبحمده سبحان الله العظيم.
.
اسعد شافلها: خيرك ساكته؟
وجدان: شن تبيني نرد عليك يا اسعد؟
اسعد وقف سيارته: مترديش شيء .. انا تكلمت معاك وحكيتلك حقيقة صاحبي .. والقرار في ايدك ..
وجدان فتحت باب السياره: النصيب على الله .. هاده ردي عليك يا ولد خوي..
هي قالتها ونزلت من السياره ..
خشت ل حوش بوها ورعشت من اللي واقفين وكأنهم يراجوا فيهم..
اسعد ضحك: اوه استقبال ولا في الخيال..
زيد: وين كنتم؟ .. وعلاش التأخير هاده كله؟.
اسعد لف ايديه على كثف وجدان: ريتي الحسد يا عمتي .. لأن قعدت انا وياك ثنائي الأحلام بنحصلوا هلبا عيون وحقد..
وجدان نحتله ايده: تي برا من وجهي انت وياه ..
هو ايهم كان شاد ضحكته ويشوف ل طرف الدخان اللي في ايد زيد اللي طول اول ماشاف عمته حطه وراء ظهره ..
الموقف هاده يضحك فيه وهلبا .. زيد اللي يدخن حتى قدام جده .. ميقدرش يدخن قدام عمته ..
وجدان مشت من بحداهم
هو خليل اتكى على سريره وخطر عليه أيمن.. وقداش ما كان متمحمط ...
واجعه هلبا .. بس شن بيدير؟؟ ..
تنهد بخفه وحاول يرقد ..
في الصبح ناض خليل من اتصالات حسام اللي كان متحمس .. وطلع مشي معاه للمزرعه باش يشوف حصانه اللي ليه ثلاثه شهور مشافاش
حصان جديد .. لهد بيه اكثر من مره في المزرعه شوي .. حصانه القديم مات وخليل كره اللهيد من بعده ..
بس تحشم من بوه اللي شراله قبل مده حصان اخر ...
حسام ركب على حصانه اللي كان قهوي .. وخليل قعد يمسح على شعر حصانه الأكحل باش يبعثله شوي شعور امان ..
هكي يحب .. يطمن الفرس باش يبدا حاس بيه وميهيجش لما يركب عليه ...
اليوم هاده بيمشيه مع حسام الواضح ..
بعد مده ركب خليل على الحصان وقعد يدور بيه في المزرعه .
حسام كان يجري من مبعد زمانه عاد معلم في الحاجات هادم ..
وخليل كان ميحبش يتسرع .. بالشوي بالشوي لين الحصان يتعود ..
حسام: تي خيرك مرخي هكي اجري..
