اللهم صل وسلم وبارك على سيدنا محمد
سبحان الله وبحمده سبحان الله العظيم
استغفر الله العظيم واتوب إليه.
.
خليل تكى على محل يعرف اللي فيه
وصى على بكلاوه وأمه لما سمعت انه مشي بياخد بكلاوه كلماته باش يجيبلها حلويات حتى للقهوه والشاهي ..
طلع من المحل ورد ركب في سيارته وعقله مشغول في جية ايمن ..
.
.
ايمن كالعاده مقدرش يرقد في الليل قعد مقعمز في الجردينه ويخدم على اللابتوب ... بعد اذن الفجر ناض باش يصليه ..
هو طلع مع بوه .. ومشوا للجامع .. تلاقى مع عمه مفتاح ..
مفتاح قعد يشوف ل ايمن وهو مستغرب .. بس ايمن مباش يدور عمه قعد يتكلم مع الشيابين جيرانهم وهو مبتسم ويسأل على أحوالهم بعدين طلع من الجامع ورد ل حوش بوه ..
خش لداره بالك يرقد ... وطبعا قبل النوم حاتفكر في كل شيء ..
ايمن قعد يقول ل روحه انا شن قاعد اندير بس؟؟
قبل ما ياخده النوم بوه خش عليه ..
صلاح: معندكش رقم وطني اهني؟
ايمن: في خيره؟ ..
صلاح: تي مش أعطيتني جواز سفرك امس باش نجددهلك؟
ايمن وقف فتح شنطته وطلع منها ملف: اهوا اللي تبيه باش تجددلي جوازي .. ليا شهر وانا نجري على التجديده شيء .. انت عندك واسطه هلبا ..
صلاح خدي الملف: كلها يومين ويكون واتي ..
وطلع من بحداه ..
ايمن: قاعد في عوايدك يا حاج رااك تصكر الباب وراك ..
.
.
نجاة: شنهو .. ايمن قاعد؟؟
مفتاح: من امس اي .. واحني مفقناش بيه .. يستر ربي تو شن بيدير من مصيبه ..
خليل: مش حايدير شيء .. كان بيدير راهو دار من زمان ..
هما شافوا ل خليل ..
مفتاح: وانت من وين عرفت؟؟
خليل: امس تكلمت معاه .. وفهمت..
مفتاح: ومرات يكذب عليك .. غر من اللي قاله على الفاتحه بس..
نجاة: خواته وأمه من بيقوله يعني..
