سبحانك اللهم وبحمدك سبحان الله العظيم
صلوا على الرسول الحبيب💗💗
.
هو في الليل بعد كملوا العشي وبعد عركه بين زيد وبوه بالكلام جمعه طارتله وقاللهم بتغسلوا انتم الماعين ..
وطبعا كلهم عارضوا ... وكيف واحني رجاله ..
وطبعا سكتوا لما حليمه نطت فيهم اعطتهم هزبتين وتفنيصتين ..
بس طبعا هما مسكتوش طول.. نطوا قالوا حتى وجدان قليلة ادب زينا خلوها تغسل معانا ..
وجدان كانت منصدمه ورياض لقاها فرصه باش اخته تتربى وقاللها اغسلي معاهم ..
وطبعا هي اعترضت بس لما اسعد استفزها ويا باريره و يا مدلعه ويا ويا مشت معاهم باش يغسلوا ..
وقريب ماتت من كثر الماعين .. خطر عليها عزايم جدها ..
اسعد: هي حجره ورقه مقص..
وجدان عيطت فيه: حجره امك تعرفها..
هما الولاد كلهم شافولها بصدمه وشوي وانفجروا يضحكوا ...
وجدان: يالله قسموا بالنص بنغسلوا ..
حسن: والله شوفي .. انتي البنت اهني المفروض تغسلي..
وجدان عيطت في وجها: شن هيااا عااود كلااامك
حسن رعش ووخر خطوتين: مقلت شيء .. خلاص بنسكت..
اسعد: خيره هدوء هكي؟؟
ومشي بسرعه .. هما يحسابوه هرب بس شوي ورد بسيارته
ولع موسيقى بصوت عالي ونزل
اسعد: هكي تو نضم المزرعه كامله..
هما قسموا اللي ينظف واللي يطلي واللي يغسل واسعد شد الطوبو هو وايهم وزيد وبدوا يسيقوا ..
وائل: ااه سكري طاح...
وجدان رعشت وشداته ..
هما كلهم شافوله بهزوه .. وهازين على وجدان اللي رعشت عليه ...
قعمزاته على كرسي وقالتله تريح ..
قبل بتجيبله شيء يشربه او هكي .. قاللها لا من التعب منقدرش نتحرك هلبا
عارفين هيا واقفه بحداه وملامحها متألمه عليه اسعد متحملش المنظر وكيف وائل قدر يستعطفها طول ..
قام الطوبو وبل وائل وبعدها عباها هي اميه
وجدان قعدت واقفه مصدومه وتشوف ل اسعد اللي قام الطوبو ورد بلها مره اخرى ..
