اللهم صل وسلم وبارك على سيدنا محمد
استغفر الله العظيم واتوب إليه.
.
زيد قعد يوري في خليل في الصور اللي صورهم والفيديوهات ...
شوي هكي وخشلهم ايوب وفي ايده كيسين..
حسن: عشي؟؟
ايوب ضحك: لا يا بوبطن .. هادم فيستات بإسم المنتجع قالولكم البسوهم باش يعرفوا انكم تصوروا للمنتجع ومفيش حد يهجم عليكم ..
حسن: بالله عليك؟؟ .. باهي انا جعت نبي ناكل.. خيركم متحسوش انت يا خليل مكليتش شيء من الصبح ..
خليل حك راسه: نسيت الماكله انا! .. والله حتى انا جيعان نوض نذوقوا الشاورما اللي فوق..
هما وائل وفارس قعدوا يتعاركوا على الكيس يبوا يشوفوا الفيستات لين حز عليهم امجد ..
ايهم قام واحد: منظمين الجو فوتوغرافر وابصر شن ..
اسعد: عشره اكس ال ل حسين باش يوصل ال فيست ل تحت ضلوعه ..
حسين: بالله فوت بوي هي..
هو خليل قام اللاب توب وعلق الشنطه اللي فيها الميموريات والفلاشات على كثفه وطلع مع حسن متجاهلين الباقين..
وصلوا قدام المطعم وطلبوا ..
خليل حط اللابتوب على الطاوله ورد وفي ايده الكاميرا..
خليل: فن الشاورما يبيله ثوتيق معانا يا حاتم؟؟
حاتم هاده اللي كان يدير في الشاورما في فترة الليل ضحك بخفه وقال ل خليل صور..
حسن: بالله عليك انا جيعان فكني منكم ..
خليل: اسكت يا مريض .. مش تبوا ترويج؟؟
حسن: انا ملياش اي دخل .. انا جيعان بنمشي نطلب حتى بيتزا ..
هو حسن فات خليل ومشي بيطلب بيتزا ..
وخليل اللي قعد واقف يشوف للصور وهو مبتسم ..
كمل يصور في حاتم كيف يلف في الشاورما ..
خليل: كثرله ثوميه حسن...
حاتم هز براسه وكمل يلف..
وبعد دقايق خليل خدي الشاورمات ومشي جيهة الطاوله قعد يشوف للفيدوهات ما بين ما يجي حسن..
هو حس ب حاجه انحطت في حجره ولما شافلها لقاها بنت موده ..
شاف ل يونس اللي جبد كرسي وقعمز ..
