Sir, You're Mine. FINISHED

1: Conflict

Sir, You’re Mine – Chapter 1: Conflict

/ Rebecca’s POV /

“Ibibigay mo ba ang Transcript ko o hindi?”

“Miss! May discrepancy pa nga. Hindi pa pwedeng i-release.”

“Ibibigay mo o hindi?”

“Miss. Heto, pumunta ka mamayang hapon at kausapin mo ‘yung head ng office namin!”

Natapos ang usapan naming nang abutan niya ako ng isang sticky note na dilaw na may room number kung saan ko pwedeng makita si Ms. Soriano. Siya raw ang kailangan kong kausapin para sa TOR ko. Inirapan ko yung sekretarya pagkabigay nito. “May attitude ka girl,” sabi ko.

Sinadya kong ibagsak ‘yung pinto pagkalabas ko ng opisina. Sinadya ko pang magdabog palabas ng opisina. As in, maingay pati paglalakad ko. Palibhasa, trip kong mag-boots ngayong umaga kaya naman distracting sa lahat ng nakakakita. Well, may magagawa pa ba ko. Siya nga pala, may new hair style ako. J

“Paki-dahan dahan naman ‘yung pagsara ng pinto!”

Gusto ko siyang sagutin ng. Leshe. Ayusin niyo kasi trabaho niyo para hindi kayo nababagsakan ng pinto. Kainis. Unang araw ng pasukan sa school nila, ganito agad. Kaya, ang ending, hindi ko na lang pinansin.

Pagkatapos kong pumunta sa opisinang ‘yun, dumiretso ako sa room na nakalagay sa sticky note na ‘yun. Marami akong estudyanteng nasasalubong. Medyo, last week pa kasi ‘yung simula ng klase kaya naman marami na ring tao.

Pagkadating ko sa room na ‘yon, hinanap ko agad ‘yung Miss Soriano na sinasabi nung secretary sakin.

Kumatok muna ako bago binuksan ang pinto, bumungad sakin ang ilang working stations. Opisina pa rin to ng university.

“Is Miss Soriano here?” tanong ko. Nilibot ko ang mata ko sa buong paligid. Hinahanap kung sinong pwedeng sumagot sa akin.

May isang maliit na babae rin ang sumagot sa akin. “Yes, she’s here. Pasok ka na lang du’n,” at tinuro niya ang isang pintuang brown na kung saan may nakalagay na something na position niya. Okay, hindi ako ganito ka descriptive kasi gusto ko ng matapos ang lahat.

Matapos ang ilang sandal, pinasok ko na ‘yung kwarto na ‘yun. Isang matandang babae ang bumungad sa akin. Mala-Nora Aunor ang dating dahil sa ikli ng buhok niya. Kaya lang, ang nunal niya, nasa gilid ng kaliwang mata.

“What’s your concern?” dagli niyang tanong sa akin. Nakairap siya. Kala mo hindi puti lahat ng buhok.

“Ma’am, hindi ko po kasi makuha ‘yung TOR ko. Ilang buwan ko na po ‘yun kinukuha eh,” sabi ko naman. Napatingin ako sa dilaw niyang sapatos. Hindi kasi terno sa kulay green niyang blouse.

“Hmmm. Nanggaling ka na ba sa office ni Ms. Cumuyog?”

“Yes Ma’am.”

“Ikaw si Rebecca?”

“Opo Ma’am.”

May kinuha siyang papel sa drawer ng lamesa niya. Mabagal pa nga siyang yumuko. Dulot na rin siguro ng katandaan. Pagkaharap niya ulit sakin, may hawak siyang papel. Pinakita niya sa akin.