Sir, You're Mine. FINISHED

2: Next Step

Sir, You’re Mine – Chapter 2: Next Step

 

/ Rebecca’s POV /

 

“Eh kumusta na ba kayo ni Sir?”

“Malabo, Roxanne. Sobrang labo. Minsan, malamig. Minsan naman, mainit. Uhm. If you know what I mean.”

“Hindi ko alam Bek. Pero, bhe, ano nga kamo ‘yung tsismis mo sakin? Sa nangyari sa’yo kahapon?”

“May isang babae kasi sa faculty, sabihin niya ba naman sa mga teachers sa loob na “Sir is mine.” Like, what the f ‘di ba friend? Sino ba siya?

Nandito kami sa canteen ng school. Lunch break ni Roxanne kaya naman nagkaro’n kami ng time para makapagkwentuhan. Hindi pa siya graduate ha. Nauna lang talaga ko. Irreg kasi na maraming naiwan na subjects. Anyway, hindi pagka-irreg ko ang problema, ang problema, yung babaeng sana mabaog na sa sobrang pangit ng tabas ng dila.

Napalunok si Roxanne gawa ng huli kong tanong. Tinignan ko siya ng maiigi. Second week pa lang ng klase. Posibleng kilala niya ‘yung teacher na sinasabi ko. “Xanne, kilala mo ba?” tanong ko.

“Bek, kasi ganito ‘yan. ‘Yung nagsabi ba niyan eh babaeng may buhok na halos abot sa bewang? May kulay na medyo red ‘yung buhok at sobrang straight? Maliit bang babae na matinis ang boses? May kakaibang dating?”

Halos i-describe na sakin ni Roxanne ang buong kaluluwa ng babaeng sinasabi ko. “Oo! Eksakto. ‘Yung mismo ‘yung itsura nung babaeng sinasabi ko sa’yo. Sino ba ‘yung batang ‘yun?”

“Bek. Hinay-hinay sa pagsasalita,” tapos tumingin siya sa kaliwa’t kanan. Tumingin siya sa paligid ng buong canteen at kulang na lang eh i-check ‘yung pagkain ng mga kumakain sa loob. “Kasi, si Ma’am Chloe ‘yun.

“Ngayon ko lang narinig ‘yung pangalan na ‘yan. Sino ba ‘yun?”

Bago pa siya sumagot. Nilapit niya ‘yung upuan niya sa akin at tsaka bumulong. “Balita ko, obvious raw ang pagka-crush nun kay Sir. Pero, other than that. Siya ‘yung Values Teacher na pumalit kay Ma’am Capulungan. Jusme, Bek. Values teacher ‘yon, pero kung humarot kay Sir, wagas.”

“T-Tang…” napatigil ako sa pagmumura bago pa ako gumawa ng eksena. Mahirap na. “Anong. Isang buwan lang kaming nag-cool off ni Railey pagkatapos malalaman kong hinaharot na siya agad? Anak ng. Kilala niya ba ako? Matuto siyang lumugar. Nako. Si Rebecca pa ang binangga niya.”

Pagkatapos ko medyo gumawa ng isang speech, napalagok ako ng isang basong ice tea. Grabe. Hindi ko naman aakalain na bigla na lang may maglalakas ng loob para mag-stand out at angkinin bigla si Rye. Oo, maraming nagkakacrush sa kanya,pero hanggang dun lang ‘yon eh. Kaya lang, ‘yung attitude ng babaeng ito ay hindi talaga masukat-sukat.

 

“Bek. Sobrang nakakaloka nga. Anyways, ano nga ‘yung problema mo? Baka makatulong ako,” nag-aalala niyang sabi sakin.

“Yun na nga eh. May isa na naman akong problema. Kukunin ko na sana ‘yung TOR ko. Kaya lang, nagkaroon raw ng “very rare case” kaya sobrang nagtaka ako. Kasi, nag-march na ko last October. Kaya nakakainis Bhe. Sobrang napapatanong na nga ko kay Lord na, Sobrang sama ko na po ba? Kasi, ang sobrang malas ko lagi…” at naglitaniya na ko sa harapan ni Roxanne.