Killing Him [COMPLETED]

SIX

SIX

Napatingin ako kay Maxine na abala sa pagbabasa sa hawak nitong libro. Hindi ito nangungulit ngayon at tahimik lang itong nakadapa sa aking kama.

"What's that book?" tumayo ako mula sa aking upuan at nag-unat.

Halos magta-tatlong oras na rin kasi akong walang tigil sa pagre-review. May long quiz kami next week sa  Asian Literature at World History. Hindi ko alam kung anong pinagkaka-abalahan nitong si Maxine at hindi pa nagre-review.

"Huh?" lumingon ito sa akin na halatang hindi nakuha ang sinabi ko.

Tumabi ako ng upo sa kanya at tinignan ang cover ng librong hawak nito.

"Anong story 'yan?" hindi ako pamilyar sa pangalan ng story pati na rin sa author.

Wala namang hilig itong si Max sa pagbabasa kaya nakakapagtaka lang na ang tahimik nya ngayon at may hawak na libro.

"Published book galing sa wattpad. Kinikilig ako!" ngiting ngiting sabi nito at umayos ng upo. "Ibabalik ko na kasi ito mamaya kay Gab kaya kailangan ko nang tapusin ngayon."

Hindi ko na ito muling ginambala pa. Humiga nalang ako sa kanyang tabi at ipinikit na ang aking mata.

Nagising ako sa malakas ng sigaw ni Maxine. Muntikan pa akong mahulog sa kama!

"Shit! Ayoko na! Bakit walang book two?! Bitin!" nagsisisigaw nitong sabi habang hinahampas ang kama ko.

"Akala ko naman kung ano nang nangyayari sayo r'yan! Low down your voice! Baka may makarinig sa ating nagro-roam na professor at mapagalitan pa tayo!" saway ko rito.

Naiiyak ito ng tumingin sa akin. "Read this Chloris! I swear, worth reading for ito!" hinawakan pa nito ang dalawa kong kamay at pinagsalikop para mapag-isa.

"Wala akong time." bumangon na ako sa kama. Inayos ang mga gamit sa table ko.

I'll be studying again later. Mga bago matulog at bukas habang nagbe-breakfast.

Last time ay isa lang ang mali ko sa quiz namin sa World History. Though I got the highest point, still it's not enough for me to be contented. Kailangan kong maka-perfect to make me feel at ease.

"Corny naman nito!" padabog na umupo sa kama ko si Maxine at sinuot ang kanyang slippers sa gilid. "Sabagay, may lovelife ka naman para magpakilig sayo. Hindi katulad ko na umaasa lang sa mga fictional characters para kiligin." napailing ako habang nangingiti.

"Wala akong lovelife." simple kong saad.

"Samahan mo akong ibalik ito kay Gab." itinaas nito ang hawak na libro. Pumeywang ako at pinagtaasan ito ng kilay.

"Gabriella? Yung taga-lower section?" wala naman kasi kaming classmate na pangalan ay Gab.

"No, Gab Martin. Yung bakla sa section nila Kei. Ibabalik ko ito sa Poseidon."

Narinig ko na naman ang pangalan na iyon. Why is everyone around me related to Kei? Hindi ba pwedeng lumipas ang isang araw na hindi ko naririnig ang pangalan nya?

"Tinatamad ako. Ikaw nalang." tumalikod na ako pero malakas ang pagkakahila sa akin ni Max paharap sa kanya.

Namalayan ko nalang ang sarili ko na hatak hatak na nito palabas sa dorm. Muntikan na akong matalisod kakahigit nito sa akin.

Ilang beses kong sinubukang tanggalin ang kamay nya sa siko ko pero sadyang mas malakas talaga ang babaeng ito kaysa sa akin.

"Max, sabing ayaw ko eh!" pagalit kong utas rito.