Sinking Deep (Z SERIES #1)

Chapter 33

Forgive Me

Hindi ako makapaniwala sa sinabi ni Trinity. Pagkasabi palang niya ng balita sa akin ay tumulo na agad ang mga luha ko at sumikip ang dibdib ko.

Hinihintay kong magsalita si Trinity at bawiin ang sinabi niya pero lalo lang akong napaiyak nang umiyak rin siya. Niyakap niya ako nang mahigpit.

"I'm sorry, Genesis."

Sinamahan ako ni Trinity para makapagpaalam kay Mother Superior. Siya na halos ang kumausap dahil marami nang bumabagabag sa utak ko ngayon.

"Condolence, Sister."

Tipid ko lang silang nginitian bago kami umalis. Hindi ko na napansin ang oras dahil sa kaiisip. Nang marating namin ang bahay nina Mommy ay doon lang ako natauhan. Unang bumaba si Trinity. Bumuntong hininga ako at kasama noon ay pagtulo ulit ng luha ko.

Pagkapasok ko ng bahay ay nandoon ang mga kaibigan nina Mommy at Daddy. Napatingin sila sa akin, marahil ay nagtataka kung sino ako. Tinahak ko ang daan kung saan nandoon si Mommy at nang makita ko siya ay niyakap ko siya agad nang mahigpit.

"I'm sorry..." humihikbi kong sabi kay Mommy. "I'm really sorry. I should have been here, mom."

"Don't be, anak. Mateo's happy now."

I shook my head and hugged her even tighter. "Dapat nandito ako. Dapat natulungan ko kayo..."

I want to get mad at them because they didn't tell me what was going on with them while I was away. Ilang taon matapos ko silang piliin ay akala ko ay ayos ang lahat sa amin. But I was wrong. I didn't know that they're suffering. That their names were tainted. 

And now, Daddy's gone...

Humiwalay siya sa pagkakayakap sa akin at pinunasan ang luha ko. Tumingin siya sa kabaong ni Daddy. Puno ng bulaklak ang nasa ibaba ng kabaong at nakabalot naman ang kabaong ng bandila ng Pilipinas. May dalawang nakatayong pulis sa tigkabilang dulo noon. Nakatingin sa amin ang ibang mga nakikiramay pero hindi ko sila pinansin. Lumapit kami doon kahit na hindi ko kayang makita si Daddy sa ganoong lagay.

This is all my fault. Kung sana ay hindi na ako bumalik sa kumbento para maalagaan sila. Kung sana ay alam ko lang na kayang gawin iyon ng kinalakhang pamilya ko sa tunay kong ina. Kung sana ay nalaman ko lang ang lahat, maipagagamot pa namin si Daddy. Pero hindi. Huli na nang nalaman kong unti-unting naubos ang yaman ng mga Zabala dahil sa kagagawan ni First.

Kasalanan ko 'to.

"Hindi na ako babalik, Mom."

Umiling agad si Mommy sa sinabi ko. Ayoko sanang pag-usapan ito lalo na't kakalibing lang ni Daddy kanina, pero hindi ko na hahayaang maghirap si Mommy nang wala ako. Ibinenta na ang bahay kaya kina Trinity si Mommy titira. Hindi pwede mag-isa siya habang naghihirap.

"You don't have to do that. You're already serving God. Doon ka na dapat sa Kanya. Ayos lang ako kina Trinity. It's okay, Genesis."

Tipid akong ngumiti. Matagal ko nang tinalikuran ang pagiging Jennery Hope Zoreno ko. When Daddy disowned me, I did everything just to change my name to Genesis Marie Zabala. Natatakot ako sa pangalang iyon dahil iyon ang pangalang ibinigay ko noon sa mga kumuha sa amin. Naaalala ko sila sa tuwing naaalala ko ang pangalang iyon, but I guess it really happened for this reason.

I am now Genesis Marie Zabala.

Kahit anong pilit ko kay Mommy ay hindi siya pumayag na bumitiw ako sa pangako ko sa Panginoon. Bumalik ako sa kumbento at ibinilin si Mommy kina Trinity. Alam kong hindi pababayaan ng pamilya nina Trinity si Mommy.