Beautiful Pain [Completed]

ပြင်းရှခြင်း JEON

(Unicode)

ပြင်းရှခြင်းဂျွန်

မျက်နှာချင်းဆိုင် တဲအရှေ့တွင် ဂျီမင်တစ်ယောက်
ငါးများကို မီးဖိုပေါ်ကချလိုက်၊ ကင်လိုက်နဲ့
အလုပ်ရှုပ်နေသည်။ မျက်နှာချိုချိုလေးနဲ့မို့
ဂျီမင်ကို ထယ်ယောင်းသိပ်တော့ မကြောက်ပါ။
သွားရင်းလာရင်း လမ်းမှာတွေ့တဲ့အခါလည်း
ပြုံးပြုံးပြတတ်သေးသည်။

အဘွားအိုကိုနှိပ်ပေးနေရင်း ဂျီမင်ရှိရာသို့
သူလှမ်းကြည့်နေမိတယ်။

" ရပြီကလေး။ အဘွားအိပ်တော့မယ် ...
သွားနားချေတော့ "

အဘွားက တုံးလုံးလှဲကာအိပ်ရန်ပြင်တော့
ထယ်ယောင်းသွက်သွက်လေးထကာ
စောင်ယူခြုံပေးလိုက်သည်။ သူနဲ့သက်တူ
ရွယ်တူမြေးလေးဆုံးပါးသွားရှာသည့်အဘွားက
သူ့မြေးလေးနဲ့ရွယ်တူဖြစ်သော ထယ်ယောင်း
အပေါ် ပိုပြီး ခင်တွယ်လေသည်။ ထယ်ယောင်း
ကလည်း ထိုနည်းတူပင်။

ဂျီမင်က သူ့ကို ခေါင်းမော့ပြီး ကြည့်ရင်း
ငါးကင်ကို မြှောက်ပြကာ လက်ယက်ခေါ်နေတော့
သူ ခေါင်းခါပြလိုက်တယ်။ သို့သော် မရမက
ခေါ်နေတော့ သူ မငြင်းနိုင်ဘဲ ဂျီမင်ဘေးနားသို့
ရောက်လာခဲ့တော့သည်။

" ငါးကင်စားမလား "

" ဟင့်အင်း "

သူ ပြုံးပြုံးလေးပြောကာ ခေါင်းခါပြလိုက်တယ်။
ငါးကင်အနံ့လေးက မွှေးတေးတေးရှိလှပေမယ့်
မျိုးနွယ်စုမတူသောလူအပေါ် ကြင်ကြင်နာနာ
စိုက်ကြည့်နေတဲ့ ဂျီမင်အပေါ် ခပ်ရွံ့ရွံ့သာ
ဆက်ဆံလိုက်တယ်။

" မင်းကို ဘာမှခိုင်းမစားပါဘူး။
စားမှာသာစား ...ရော့ "

ပြောပြောဆိုဆိုပင် သူ့ပါးစပ်ထဲသို့ ငါးကင်
တစ်ကောင်ကို ဂျီမင် ဇိုးဇိုးဇက်ဇက် ထည့်ပေး
လိုက်တယ်။ မျက်လုံးပြူးသွားတဲ့ ထယ်ယောင်းပုံစံကို ကြည့်ကာ ဂျီမင်တစ်ယောက် တခိခိရယ်မဆုံးနိုင်။

" အဟ ...ချစ်စရာလေး။ မထုံတတ်တေး
ခေါင်းဆောင်နဲ့သာ တွေ့စေချင်စမ်းတယ်။
ရေခဲတုံးကို စျာန်လျှောစေချင်တာ "

ခေါင်းဆောင်ဆိုတဲ့စကားကြောင့် ထယ်ယောင်းမျက်နှာ
ပျက်ယွင်းသွားသော်လည်း ချက်ချင်းပင်
မသိချင်ဟန်ဆောင်လိုက်တယ်။