One Hand, One Heart [Escaner Legacy 3]

Page 16

Page 16

Single

*****

Masyadong naaliw si Nanay sa pakikinig sa mga kwento ni Thea kaya ako na ang nagpunta sa kusina at kumilos para maghanda ng tanghalian namin. It wasn't that hard. Sanay naman ako.

"Malapit na palang matapos yung ginagawang subdivision?"    Wika ko habang naghihiwa nang mga pansahog sa niluluto kong kaldereta.

"Tapos na nga halos."      Sagot ni Kuya Paul habang nilalantakan nang kain yung maja blanca na gawa ni Nanay.

"Oh?"

"Open na nga for occupancy."     Aniya.

"Kumuha ka ba?"

Umiling siya.      "Sana. Pero bakit pa? May sarili akong lupa."    

"Tss. Bakit? Ibabahay mo ba ang mapapangasawa mo sa bukid?"

"Pwede din. Kung gusto niya."       Sabay ngisi.

"Kelan ka ba magse seryoso?"      Napairap na lang ako.

"Kapag nakapag asawa ka?"      Saka tumingin sa akin.       "Sinong boyfriend mo?"

"Wala akong boyfriend."      Napasimangot ako agad.      "Lagi nyo kong hinahanapan niyan? Requirement ba yan?"

"Oo."      Tugon niya.      "Ayaw mo bang maging masaya si Nanay Marya?"  

"At ano namang ibig mong sabihin?"     Nagsalubong ang mga kilay ko.

"Pakunwari ka pa? Syempre alam mo naman ang bagay na makakapagsaya kay Nanay Marya ay ang makita kang magkaroon ng sariling pamilya."

Sandali akong napatitig kay Kuya Paul. Alam ko yun. Kaya lang.....

Ipinagpatuloy ko ang ginagawa ko.

Kaya lang sa kalagayan ko ngayon ang hirap na kayang humanap nang magseseryoso sa akin. May anak na ako. Iba na ang iniisip ng marami tungkol sa akin. Unfair mang sabihin pero ganun talaga ang kalakaran ng mundo.

Haist.   Bakit ko ba sila kailangang isipin?

"Okay na ko sa anak ko."        Wika ko.