je t'aime à la folie

partie 4

لبنات في هذا البارتي فؤاد هو لي يحكي سما كل خطرة شكون

**************

سلام عليكم انا فؤاد عمري 28سنة طبيب نخدم فالسبيطار يتيم والديا ماتو كي كنت صغير رباتني ماني ام يما الله يرحمها و كنت قريب بزاف من وليد عمي انيس نحسبو كي خويا من جهة النسا معروف كل يوم ندير وحدة و جامي حبيت في حياتي ...

خطرا كنت قاعد فالطوموبيل شفت وحدا جاية من بعيد قصيرة و حلوة بقيت نشوف فيها تمشي و تتزعبل و شفتها قاطعة نوضت طوموبيلتي و ديماريت بزربة و لحقت ليها قريب ماقستها و انا ديجا كنت قاصد باش نخلعها بقات مسمرة في بلاصتها خرجت من الطوموبيل غالبني الضحك و زيرت وجهي 😤😤 قلتلها واش تعميتي وسمك قاطعة الطريق كي الجمل قريب ما باصيت على جال وحدا كيما نتي بيناتنا صح زدت فيها و انا لغلطت بقات تشوف فيا حتى نشوف الطفلة سوطات و ضربتني بسقلة و الله غير وجعتني الرخيسة انا لتم شعلت قتلها يا ربك واش درتي ليوم نتقبك ههههه شافت فيا و هربت تجري كنت متمني نروح نجري موراها بصح خليت الطوموبيل وسط الطريق ماكاش كفاش نلحقها وليت و بقاتلي في قلبي و تمنيت ربي يزيد يلاقيني بها

واحد النهار كنت في المكتب ديالي خدام حتى صونالي البورطابل

انا: صحا انيس واشراك مليح

انيس: يالرخيس ماتحوسش ڨاع عليا نسيتنا ڨاع

انا: خسارة عليك وليد عمي راك تعرف ظروفي و خدمتي

انيس: راني نڨصر خو المهم رام معروض لعرسي و ماتنساش انت لي جيبلي عروستي

انا: كلشي مبروك خويا انشاء الله مايكون لا خاطرك .......

لحق يوم العرس ديت طموبيل تاعي و شبحتها لحق وقت باش نروحو نجيبو العروسة رحنا و وصلنا عندهم منين جات تخرج حتى كبرت ايه واش يخرج العروسة من دار باباها حتى نشوفهم جايبينها حبطت نجري باش نحل الباب و ياقلبي شكون شفت معاها 😍😍😍

كانت لابسة روبة حمرا لون لي نحبو و ماشي مكثرة ماكياج تاني كما نحب
كانت زلة ماخليتهاش تشوف شكون انا خفت تهربلي ركبنا فالطوموبيل و ديماريت و درت للعروسة قتلها مبروك عليك ختي و ماشفتش فيها عاودت درت و شفتها فاروتروفيسور

الطفلة صفارت سما شفات عليا و راهي دايرة في بالها راحت عليها هههههه بقيت نشوف فيها تخبي في وجها و تتخبا مور العروسة و انا كنت كل مانشوفها نحس قلبي كن داخل راح يخرج من بلاصتو

لحقنا لاصال شفتها راح تحل الباب حبطت نجري نحلو هنا لازم تشوفني و نخلعها شوية ههههه حليت الباب و جات العين فالعين شافت فيا و درت روحي هذا وين فقتلها هربت تجري و خلات لعروسة مهبولة دخلنا للصالة و قعدت غير نعس فيها هي هذاك واش كانت تشوف عيني كانت تشطح و تضحك و غير تشوف فيا انا نزير وجهي تم تم تعاود دير روحها ماشافتنيش والله غير كنت نضحك من قلبي عليها درتلها رعب كنت قاعد حتى نسمع واحد يشر عليها و قال لصاحبو ياخو شوف مولات لغوج زلة ياربك انا لتم النار شعلت في قلبي حبيت نعميلو عينيه بصح ماكاش كفاه سكت واش بيناتنا باش نروح نضارب على جالها رميت عيني عليها حتى نشفها طالعة الدروج و هاذوك الزوج عينهم عليها انا هنا ماقدرتش نحكم بلاصتي خفت عليها كاشما يديرولها 😫😫 تبعتها و سمعتها تقول اووف واش جابو هذا دوك فسدلي العرس هههههه نطقت انا قتلها
جيت لعرس وليد عمي تسليني واقيل و عندوا الحق لي قال غير الجبال لي مايتلاقاوش شفت فيها لقيتها مخلوعة مسكينة حكمتها من يدها و دنيت ليها و قتلها سما هذه هي اليد لي ضربتني ب سقلة مممم واش نديرلها دوك شفت فيها لقيتها بدات تبكي و الدموع يسيلو انا لتم قلبي تقطع التمسخير تاعي وصلني حتى بكيتها و قاتلي
اسمحلي مادرتهاش بلعاني درتها psq قتلي جمل و طلعت راسها شافت فيا و بقات تشوف فيا انا هذيك الدقيقة حسيت روحي مخنوق و قلبي خلاص راح يطيح واش دارتلي هذه المصيبة منين طاحت عليا كنا نشوفو في بعضانا و ساكتين حتى سمعت صوت تع الضحك طلقتلها يديها و صدقوني لوكان ماجاوش البنات كنت راح ناكلها من فمها 😘😘
جات ايا وحدة منهم و هدرت معايا و نشوف ف بينازتي تشوف فيا مانحاتش عينها عليا حتى نشوفها تقلب وجها و دخلت sanitaire و خبطت الباب كنت معول نسناها تخرج و نفهمها كلش و كنت ناوي نقلها عجبتيني بصح ماكتبتش عيطولي من الخدمة urgent و ماقدرتش نسناها رحت و بقيت وليد عمي باسلامة و فهمني و قعدتلي في قلبي و كنت خايف منزيدش نشوفها جازو اليامات و غير هي لي دور في عقلي و كل يوم ندعي باش ربي يلاقيني بيها.......

************

واش رايكم في البارتي هذا

حكاتنا مازلها في البداية برك و مازال كاين بزاف احداث

نولي كل مرة نحطلكم بارتي

سلام ....