Nedjma:
جازو ليامات كي لعادة قراية بين الجامعة و سبيطار فالدار ماما مسكينة مازالها عيانة مافهمتش واش بيها حتى الضحكة ماعدتش نشوفها في وجهها 😖😖
بالنسبة لعلاقتي مع فؤاد حبنا كل يوم يزيد و حسيتو كل مرة يحب يجبدلي على موضوع تع الزواج حب يتقدملي بصح انا كل مرة نهربلو و نبدلو الكلام و ياريتني مادرتش هكذا. 😢😢 كان عليا نقبل من اول proposition بصح المكتوب هذا هو
السبة لي تخليني نهرب منو هي انو عندي رهبة من الزواج من لي سمعت حكاية ماما و بابا
بابا و ماما كانوا يحبو بعضاهم كما حكايتي مع فؤاد و تزوجو بصح بابا تبدل على ماما كي كان في عمري سبعة سنين تقدرو تقولو بلي مانشفاش لبابا بزاف ، صراو بيناتهم مشاكل حتى وين نهار سمح فيها وخلاها وحدها بزوج بنات من تم مابنش حسو كاين لي يقول هجر لفرنسا و كاين لي يقول عاود الزواج المهم وين يكون ربي يهنيه
ماما مور ماخلاها بابا باعت الدار و بدلت المنطقة وين كنا ساكنين علاخاطرش ماني هددتها باش تنحينا منها سما كبرنا انا و ختي بعاد على عايلة بابا .....
هذي لحكاية اثرت بزاف في نفسيتي و بهذي السبة لي وليت نخاف نحل هدا الوضوع مع فؤاد
واحد النهار و انا فالسبيطار فالمكتب مع فؤاد و سامي دخلت واحد المرا كبيرة شوية باش داوي فؤاد امرنا انا و سامي باش نقلبوها حتى سمعتها تقولي نوار نجمة ؟؟؟!!
انا قتلها انعم واش خصك مادام تعرفيني
قاتلي : انت بنت سامية ؟؟؟
قتلها : تعرفي ماما تاني
قالت : ايبيه يا سامية هربتي ببنات خويا لعزيز و حرمتينا منهم و نسيتيهم فينا
انا كي سمعت هكذاك حكمتني الفشلة يالبنات حتى حكمني سامي باش مانطيحش فؤاد شافني هكذاك جا يجري ليا
فؤاد: نجمة واش بيك
نطقة هاذيك المرا لي هي عمتي قاتلي ماعليش نهدرو وحدنا ؟؟
فؤاد : راكي مليحة تقدري تبقاي وحدك
قتلو وي نقدر
فؤاد قال لسامي امشي نخرجو و قبل مايروح قالي نجمة كشما يكون عيطيلي
خرجو و بقيت انا و عمتي ليندة وحدنا انا كانت الخلعة حاكمتني من واش سمعت قاتلي ماتقولي والو ؟؟ تبقاي ساكتة
قتلها واش راح نقول راني مخلوعة
مادام ليندة: يما الله يرحمها ماتت محروقة عليكم و كانت خايفة من النهار لي تصيبكم و ماتعرفوهاش و ضهر خوفها تحقق
كي سمعت هكذاك قلبي وجعني و دموعي طاحو بلا مانفيق قتلها الله يرحمها حتى هي حبت تحرمنا من ماما و ماما مسكينة واش دنبها لي بابا سمح فيها راح و وخلاها و ماني حبت تكمل عليها و تحرمها منا ؟؟؟
سكتت عمتي امبعد قاتلي : شوفي يا نجمة الهدرة ماشي هنايا
خليلي رقم تاعك نعيطلك و نحكو في كلش و ديري في بالك كلش راح يتبدل يا بنتي
مافهمتهاش واش قصدت بكلامها فهذاك الوقت راحت عمتي و بقيت نطلع و نحبط فواش صرا
حتى دخل فؤاد ...
فؤاد : عمري واش بيك شكون هاذيك لمرا علاش نخلعتي كي هدرت معاك
انا: هاذيك عمتي
فؤاد : عمتك تخلعتي ڨاع هكذاك كي شفتيها ؟؟
فؤاد ماحكيتلوش قصة ماما و بابا حكيتلو غير على لي بابا خلانا بلا تفاصيل على هذا استغرب
انا: حكاية طويلة bb فاليل نحكيهالك
فؤاد: كما تحبي نجمتي ياك راكي مليحة
انا: وي شيغي ماتخممش راني مليحة
فؤاد جا يبوسني من خدي حتى دخل علينا سامي و ...............
***★**********★
واش رايكم في البارتي هذا لبنات كي لعادة نتمنى شوية تشجيع منكم و ماتنساوش le vote
😘😘😘😘😘
أنت تقرأ
je t'aime à la folie
Romanceقصة عشق ابطالها نجمة و فؤاد لي يعشقو بعضاههم بصح تخرجلهم مشاكل بزاف و عراقيل زعما رايحيين يحاربو على جال حبهم هذا واش راح نعرفوه في بقية القصة
