فؤاد_________________________________
كي كنا خارجين من سبيطار تلاقينا بشهرة داخلة
شهرة : واش على حساب الشوفة راكم رايحيين دوك
انيس : وي عيطولنا و قالو بلي ولا من السفر صباح
شهرة : تعيشو ردو بالكم على روحكم
انا : ادعولنا هذا ماكان شهرة
خرجنا من سبيطار رحنا لدار هذا ريان كي لحقنا رحت نجري و بقيت نخبطلو فباب دارو
انيس : فؤاد بعقلك خلينا نهضرو مع سيد بلا قلق بالاك ماعلابالو بوالو
انا: خلاص مابقاش فيا عقل
بقيت نطبطب هكذاك حتى فتحلنا الباب و خرج مخلوع
ريان : واش كاين واشنو هذا ڨاع
حكمت القمجة تاعو بيدي لي ماشي مكسرة و دخلتو لدار تبعنا انيس و غلق الباب
ريان : اطلقني ياو شكون انتما
انا : قولي دوك وين رآه الكلب تاع باباك
ريان : واشنو بابا اسمع احترم روحك فهمت
انا : انطق خير من نطقك بالضرب
ريان : ايا بعد تشوف واقيل حسبتلك راك تخلع فيا
انيس : فؤاد اتكالما خلينا نفهموه واش كاين
ريان : اخرجو من داري ولا نعيط لابوليس
انيس : اصبر نفهموك حنا رانا نحوسو على باباك برك على خاطر راهو خاطف وحدة نعرفوها
ريان : كفاااش واش راك تقول هبلت لالا راك غالط بابا عمرو مايدير هكذا
انيس : لالا رانا متأكدين بلي راهي معاه
ريان : جامي ماعندهاش يومين كنت عندو ماكان حتى واحد معاه غير خدامة تاعو
شفت في انيس و حتى هو شاف فيا باين هذا ماعلابالو بوالو و الكلب هذاك كذب عليه
انا : الخدامة تاعو منك صح راك سور بلي تعرف باباك مليح
كي قلتلو هكذاك شفت وجهو تبدل كلي تفكر حاجة
ريان : اصبرو اصبرو تفكرت بصح لالا بالاك راني غالط فالشك تاعي
انيس : واش تفكرت
ريان : اخر مرة كي زرتو الخدامة كي شافتو خرج يهضر فالتيليفون جات ليا تجري و قاتلي عاوني بصح انا كي سقسيتها جا بابا وقالي تحوس لي يعاونها باش داوي يماها
كي قالي هكذاك حسيت الدنيا دارت بيا باينة راهي في حالة
انا: مالا نقلك باباك كذب عليك رآه متزوج بيها بسيف عليها و خطفها دووووك قوووولييي وين رااااه هذا الرخيس
أنت تقرأ
je t'aime à la folie
Romanceقصة عشق ابطالها نجمة و فؤاد لي يعشقو بعضاههم بصح تخرجلهم مشاكل بزاف و عراقيل زعما رايحيين يحاربو على جال حبهم هذا واش راح نعرفوه في بقية القصة
