فؤاد
حكمتها شديتها من ضهرها و بستها من فمها حتى فقت لروحي بلي درت زبلة و عميتها ماعلاباليش واش صرالي خفتها تروح عليا بعد ماجرحتها بهضرتي نحبها ايه نعشق فيها بصح دوك فسدت كلش
شفت فيها صبت الطفلة صفارت نحاتلي يدي من مور ضهرها و خرجت عيطتلها قتلها نجمة تعيشي ماتروحيش شافت فيا و راحت قلبت المكتب على الزبلة لي دارتها كفاش ماقدرتش نحكم في روحي موحال تسامحني مانقدرش نتقبل فكرة اني خسرتها ولات مني ولات روحي
نجمة عمري ماتسمحيش فيا 😭😭😭😭...
--------------------------
نجمة
خرجت من عندو و انا حاكمة في قلبي خفت لا يطيحلي ماكنتش مآمنة واش صرا دوك كنت نوم و لا صح
يايما لعزيزة كفاش راح نزيد نقابلو دوك
بقيت نتفكر فالبوسة تاعو اه يالبنات مانخبيش عليكم حسيت روحي نذوب فيه كي حكمني هكذاك و باسني كنت نتبسم وحدي sans faire attention لي يشوفني يقول مهبولة بصح الشيطان بدا يوسولي و بداو يجوني الافكار السوداء واش منعتها كي باسني سور راهو يتمسخر بيا و حاب يجوز الوقت برك و حاسبني كما لبنات لي يعرفهم لالا مانسمحلوش يلعب بيا لازم ننساه و نحيه من قلبي
لحق الليل حطيت راسي على المخدة و بقيت نخمم فيه غير هو في ضحكتو في خزرتو في وجهو كي يزعف ماقدرتش نحيه من بالي طحت على راسي وليت نعشق فيه هو غير هو لي قدر يديلي عقلي قلبي كلش دخلت للفايسبوك سييت نحوس عليه دخلت اسمو و لقبو اوووه لقيتو دخلت لبروفيل تاعو نشوف في تصاورو هذاك الزين هذيك لطاي زوميت على فموا قلت اممم سما هذا هو الفم لي باسني اليوم علابالي بلي تقولو سوفاجة حتى انا ماشي من عادتي هكذا حرت في روحي 😊😊😊
بقيت في ذيك الحالة نتامل في تصاورو و نشوف غير لبنات يعلقولو مت بالغيرة بصح عندهم الحق كفاش راجل كما هذا مايعجبكش المراة معاه تحس بالانوثة تاعها
شفت كان داير تصويرا بها لي عرفتوا بلي يتيم الاب و الام غاضني مسكين عمري باين بلي قلبو راه محروق 😔😔😔 بلا مانفيق غلطت و درت جام 👍👍........
****×****************
لبنات واش رايكم فالبارتي قستها و لا لالا
فوطييييييييو ماتنساوسش
أنت تقرأ
je t'aime à la folie
Romanceقصة عشق ابطالها نجمة و فؤاد لي يعشقو بعضاههم بصح تخرجلهم مشاكل بزاف و عراقيل زعما رايحيين يحاربو على جال حبهم هذا واش راح نعرفوه في بقية القصة
