ريان________________________________
في صغري نشفا كنت كل مانسقسي يما على بابا وين راه تتهرب ماجاوبنيش حتى نهار جبت الباك و خيرت نقرا حقوق فرحت بزاف بيا
يما : الحمدلله وليدي خرج يحب الحق
انا : هاذو دعاويك عزيزتي دعيلي نتوفق برك
يما : كنت خايفة بزاف تكون كما باباك واحد اناني و ما يخافش ربي كل مايهمو غير الدراهم يدير كلش على جالهم
انا : يما علاش راكي تقولي عليه هكذا واش نشفى عليه كان يحبنا بزاف و كان بزاف حنين
يما : اه يا وليدي مور هذاك الوجه الحنين مخبي شيطان كبييير
انا : يما قوليلي وين رآه بابا علاش مازدتش شفتو
يما : ماتحوسش عليه لوكان تعرف خرايبو تولي تحشم بيه
انا ؛ خرايبو
بدات يما تحكيلي علاش هربت بينا أنا و ختي ايمان
يما : كما تعرف باباك كان مسؤول كبير فالحكومة يعرف بزاف من أسرار الدولة على. خاطر الوزير لي كان يخدم عندو باباك كان يحكيلو كلش
انا : ايه امبعد
يما : كان كل مرة يجيب خدمتو للدار و يوصيني واحد مايدخل للمكتب تاعو و كل مرة يخرج منو يغلقو بالمفتاح انا و كان مايخلينيش ندخلو واحد النهار كان يخدم لداخل ديتلو القهوة حطيتهالو فوق الطابلة كان غارق مع واحد الورق لدرجة مافاقليش كي دخلت حكمني الفضول باش نعرف واش هاذي الخدمة لي دات عقل باباك هكذا فجأة صونالو تيليفون قال راني جاي و خرج يجري باين الخبر لي سمعو ماخلالوش عقل و يتفكر باش يغلق موراه الباب رحت بلاعقل لهاذوك الورق لي خلاهم باباك فوق المكتب تاعو و بديت نقرا الورقة الأولى ( مخططات الجماعة المسلحة ) و ( قائمة القادة الكبار للجماعة المسلحة والإرهابية ) علابالك ريان واش صبت فيهم اسم بااباك حسيت الدنيا دارت بيا من واش قريت باباك كان عندو علاقات مع الارهاب بقيت ساكتة مابينتلو والو و يا ريتني ما سكتش
واحد النهار جاب للدار عايلة يتعشاو عندنا و ماشي من عادتو كان راجل و مرتو نشفالها هاذيك المراه كانت تهبل فالزين و بزاف عاقلة حكاتلي بلي عندها زوج بنات و لمتها بزاف كي ماجابتهمش معاها
كانو باينين عائلة بسيطة و بانلي الراجل يحب بزاف مرتو و بناتو فرحت بزاف كي جاو عندنا
ماجازوش خمس ايام صرات كارثة فالبلاد دارو بومبا فالبلاصة لي راح ليها الوزير ماتو شحال من واحد
انا : يعني لي دارها كان موجدلها مليح مليح
يما : علابالك شكون تهموه سرق المخططات و كان السبة في موت هذاك الوزير و شحال من روح
انا : شكون ؟
يما : اتهموا هذاك الراجل المسكين لي جا لينا هو مرتو
أنت تقرأ
je t'aime à la folie
Romanceقصة عشق ابطالها نجمة و فؤاد لي يعشقو بعضاههم بصح تخرجلهم مشاكل بزاف و عراقيل زعما رايحيين يحاربو على جال حبهم هذا واش راح نعرفوه في بقية القصة
