انا : شوفي روحي لدار اسماء اهضري معاها وحدها قوليلها يا تستعرف يا تبيعيها هدديها قوليلها سمعتكم انت و نجمة تهضرو عليه و بلي راكي حاطة عينك عليه قوليلها كاين لي جابلي الخبر و شاف بلي مادرلك والو انا وصيتو يعسك ردي بالك تفيقلك بلي تكذبي نعرفها بلي خوافة ماتفيقش تعيشي شهرة هذا هو الحل الوحيد باش نسلكو فؤاد
شهرة : واذا ماحبتش
انا: اذا ماحبتش روحي لابوليس و قوليلهم بلي سمعتيهم يهضرو ديري فيا كونفيونص ماتخافيش علابالي بلي فؤاد مادار والو كون كنت نقدر نتصرف انا كون راني دقيقة مازدتهاش هنا
شهرة : راني خايفة لوكان تسقسيني تقولي اذا دخل ولالا تفيقلي بلي نكذب
انا: مادخلش وصلها عند الباب برك
شهرة : و كفاش راكي متاكدة
انا : على خاطر
Flash back
كنت نستنا من بعيد نشوف فؤاد و اسماء كي يخرجو من البيرو مالڨري بهدلني هكذاك قلبي ما هنانيش عليه مور ماستنيت شفتو خرج و شادها و هي كانت مدوخة كامل كانت حاكمة فيه بزوج يدين سبحان الله موقبيل برك كانت تعيط معايا كي لجادورة واعرة هاذي الطفلة شفت فؤاد رايح معاها و على جال العساسين لي عليا الكلاب ماقدرتش نروح نهضر معاه هزيتلو برك راسي ب لالا قصدي لالا ماتروحش معاها بصح ماحسبنيش كي لعادة
بقيت نخمم واش ندير واش ندير حتى تفكرت جارت اسماء لي مقابلتها خالتي بايا معروفة بالتقرعيج و نعرفها مليح كانت جي تڨصر معانا كي كنت نروح عند اسماء عيطتلها مزية لي كان عندي النيميرو تاعها وصيتها تعسهم و ماتغفلش عينها دقيقة عليهم و كما كان الحال هي لي قاتلي بلي فؤاد وصلها عند الباب و مادخلش
Flash end
شهرة: بابابابا فيك ما يكفيك كما يقولو السوريين تاريك مش قليلة يابنت
انا: كنت علابالي بلي راهي ناوية على حاجة ماتعجبش كانت عينها عليه من وقت لي كنت معاه
شهرة : بصح هاذي فرصة ليك راح ضيعييها من يدك منها فؤاد يعرف بلي صح تحبيه تخسريها هكذاك
كي قاتلي شهرة هكذاك حبطت دمعة من عيني و قلت لها
انا: انا و فؤاد ماشي مقدرين لبعضانا و هاذي الحاجة لي تقتلني كل مانتفكر ها واش من لفايدة كي يعرف بلي نحبو و هي مانقدروش نكونو كيف كيف يزيد غير يتعذب و على الفرصة لي راكي تقولي عليها صدقيني لوكان مازلنا كيف كيف عمرو مايطيح في بروبلام كما هذا حتى وحدة ماتقدر تدنا ليه
شهرة : هذا ڨاع حب تحبيه يادرا واش هي السبة القوية لي خلاتك تسمحي فيه
انا: كنت عارفة بلي ماتخيبينيش بصح شهرة تبقا بيناتنا الحكاية هاذي حتى فؤاد ما لازمش يعرفها مام كي يخرج ابقاي كاذبة ماتقوليلوش الصح
شهرة : امممم داكوغ .......
دخلت سميرة علينا شافتنا نڨصرو انا و شهرة تخلعت و قالتلنا
سميرة: اوووووو واشنو هذا c'est la fin du monde ولا واش لا تخرج قبل ان تقول سبحان الله
ضحكتني من قلبي هذاك النهار بعدما كنت مشتاقة لضحكتي لي غابت من وجههي الحمدلله لي مازالوا ناس يرسمو على وجوهنا الابتسامة بعد ما محاوها ناس آخرين ....
===============================
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
كنت قاعد وحدي فالسيلون مازال ما ستوعبت فالمصيبة لي طاحت عليا كفاش قدرت تتهمني هكذا ودير الفتنة بيني و بين وليد عمي لي كيما خويا داقتلي بزاااف و غاضتني عمري فجأة تفكرت و جات نجمة مابين عينييا كي هزت راسها ب لالا فهمت واش قصدها بيها كانت تحذر فيا باش مانروحش بصح ماحسبتهاش ياريتني سمعتلها ياريت لوكان ماراني قاعد هنا
وانا قاعد نخمم حتى جا ليا البوليسي
البوليسي : فؤاد يوسفي عندك زيارة
كي شفت شكون لقيتها ماني جات تشوفني كانت في حالة
انا: م م ماني واش جابك هنا ماني
ماني : وليدي فؤاد حبيبي واش لحالة هاذي لي راك فيها
انا: ماني صدقيني والله مادرت والو ياماني لعزيزة امنيني
ماني: اه ياوليدي انت تربيت يدي و نعرف يديا واش رباو علابالي بلي ماتقدرش تآذي واحد ياعمري على حبيبي مظلوم
جازو يامات و انا فالحبس حتى تحدد اليوم تاع المحاكمة تاعي كان المورال بزاف حابطلي ماعندي حتى دليل بلي مادرتلها والو العكس كل الأدلة ضددي
وقفت في دار الشرع حتى نطق القاضي
فؤاد يوسفي المتهم بقضية اعتداء على الضحية اسماء
كانت بدات المحاكمة و كلش كان ضدي حتى كاين لي شهدو بالكذب و قالو شافوني كي دخلت معاها و لي حبسلي مخي اسماء كفاش كانت تبكي و تمثل فغيمون خلعتني قهرتني غير ماني لي دموعها ما نشفوش
