نجمة : فؤااااد
درت روحي ما سمعتهاش و كملت طريقي زادت عيطتلي بصح هاذي المرة حكمتني من ذراعي
نجمة: فؤاد دقيقة خليني نهدر معاك
شفت في يدها وين راهي حاطتها و شفت فيها تمتم فاقت لروحها و نحاتها
نجمة : فؤاد راك مليح ؟؟
واش تسحقي من عندي؟؟
نجمة: حبيت نسقسي عليك برك كفاش راك و حبيت ن..
ماخليتهاش تكمل هضرتها رحت و خليتها واقفة كملت طريقي وجهها صحيح جايا تهضر معايا و تسقسي فيا إلا راني مليح كرهتها هاذي المخلوقة ... وانا خارج من سبيطار تلاقيت بوليد عمي انيس شدني بالهضرة و كي لعادة حب يعرضني لدارو و انا ماوليتش نحب نروح لعندو على جال مرتو نحسها تفوت الحد تاعها معايا و انا نڨصر مع انيس شفتها خارجة من السبيطار رايحة تركب فالطموبيل حتى خرج منها واحد الشيخ باين هذا هو لي بدلتني بيه
راح بزربة ليها و جبدها من يدها و دخلها فالطموبيل و بقا يضرب فيها بالكفوف انا شفتو هكذاك شعلت فيا النار كنت رايح نجري ليه نكسرو حتى شدني انيس بسيف باش قدر يحكمني
انا: انييييس خليني نروح نكسرو خليني اطلقني يارب
انيس : فؤااااد اتهذن هبلت واش دخلك بين مرا و راجلها
انا: ياربك انيييس ماراكش تشوف فيه رآه يحڨر فيهاشوف راهي تبكي اطلقني خليني نروح ليه علاه راك ديرلي هكذا ياخو اطلقني
انيس: اتكالما فؤاد دبر راسها هاذي حياتها هي لي رضاتها لروحها انت خلاص مادخلكش فيها
بقا شادني حتى شفتو راح بالطموبيل
انا: راهو راااح علااااه علاااه ماخليتنيش قووول اه مالڨري واش دارت فيا مازالني نحبها مازالني نموت عليها نخاف عليها كاشما يصرالها كفاش نشوفها تنضرب قدامي وانا ساكت اه يا ربي كل يوم نزيد نكره روحي كل مانقول بلي نسيتها نحس كل حاجة في هاذي الدنيا تضحك عليا و تقولي بركا ما تكذب على روحك ماقدرتش ياانيس كيما درت ماقدرتش كفاش تقولي مادخلكش فيها و هي راهي ساكنة لداخلي كفااااش ندير عييييت بزاااف
بعدما سكتت وريحت لقيت انيس يشوف فيا و ساكت حتى نطق يسيي ينسيني
انيس : اه يا فؤاد واش نقلك ربي يعطيك صبر هههه
بصح وين رآه فؤاد تع زمان لي كنا نسميوه بوبنيتات كل يوم مع وحدة تشفى كي كنت تقولي ماكاش لي طيحني على راسي بصح دوك ماطحتش على راسك برك ياخو راك غرقت ڨاع سيي تنحيها من قلبك هاذيك طفلة ماتستاهلكش خسرت راجل فحل يجي نهار و تندم عليك و تبكي الدم
انا: راني نخلص لغلطات تاعي واش كنت نتمسخر ببنات الناس كنت نحسب كي يجو يبكيولي غير جياحة وتمسخير بصح دوك حسيت بيهم حسيت واش معنتها صح
أنت تقرأ
je t'aime à la folie
Romanceقصة عشق ابطالها نجمة و فؤاد لي يعشقو بعضاههم بصح تخرجلهم مشاكل بزاف و عراقيل زعما رايحيين يحاربو على جال حبهم هذا واش راح نعرفوه في بقية القصة
