Désolé pour le retard les filles......
******************
جبتها سيريو معاه و بينتلو بلي نسيت كلش و كلي ماصرا والو بيناتنا
ماقدرتش نحبس البراتيك عندو ماشي علاجال ماكاش وين ندير
علاجالو هو خفت مانزيدش نشوفو مانقدرش نبعد عليه مام ماكاين والو بيناتنا بصح كي نشوفو قلبي يرتاح سي نورمال هو لي راهو ساكنو
عيطتلي اسماء صحبتي فرحت بزاف كي قاتلي بلي حبطت للبلاد عرضتني للعشا و حلفت فيا قاتلي بالاكي ماجيش
طلعت لدارنا بدلت حوايجي لبست روبة تع خرجة قصيرة حمرا طلقت شعري بعد ماجبدتو بست ماما و رحت عند اسما دقدقت الباب حلتلي و عنقتها بالزور من الوحش دخلت لدارها خمست على انيس راجلها قعدت في الصالون حتى صونا الباب ناض سامي يحل دخل فؤاد تشوكييت كي شفتو جا و بانتلي مام هو تخلع كي شافني
جا قعد مقابلني نطقت اسما باش تعرفنا على بعضانا نطق هو قالها مايشقاش نعرفها راهي تقرا عندي
نطق انيس قالو اه مليح مالا اتهلا فيها هذه راهي حبيبة مرتي الروح في الروح
سكت و قالو انشاء الله
اليوم فؤاد كان بزاف كالم ماتعودتش عليه ساكت هكذا بانلي حزين ياريت نقدر نعرف واشبيه باش نحي عليه مانحملش نشوفو هكذا
كملنا لعشا ريحنا شوية ڨصرنا و روماركيت فؤاد مازالو ساكت حتى يهضر معاه انيس باش يرجعلو ناض و قاللنا اسمحولي انا نروح دوك كما عيا معاه انيس ماحبش لحقو للباب وراح انا حسيت بفراغ كبير كي راح حبي ولا لينا انيس وجهو مقلب سقساتو اسما واش بيك قالها حرام عليا اليوم جازت 23 سنة من لي ماتو والديه و انا نسيت ڨاع مسكين ماراهوش مليح انا كي سمعت هكذاك حسيت بقلبي تزير نضت و رفدت ساكي بلا مانفيق و ودعتهم خليتهم مخلوعين و رحت نجري باش نلحق بيه و مزية لحقت قبل مايديماري طبطبتلو فالكارو حبطو قالي نجمة واش بيك واش صرالك قتلو ماعليش توصلني قالي اممم ايا اطلعي مت بالفرحة كي قالي هكذاك و طلعت نجري قريب طريق كاملة و هو ساكت الصراحة غاضني صعيبة بزاف كي راحو والديه و هو طفل صغير قتلو فؤاد قالي انعم قتلوا معليش تديني للبارك عندي بزاف مارحتش ليه
شاف فيا مخلوع بالاك ماكانش يستناها من عندي قالي اسمحيلي نجمة ماشي ليوم مارانيش مليح خلي مرة لجاية
قتلو اوكي كيما تحب
زدنا مشينا شوية حتى شفتو داخل بيا للبارك قتلو واش جابنا لهنا قالي ياك راكي حابة تلعبي راني جبتك يااطفال
قتلو امم لالا نلعبو حبطنا من الطوموبيل و رحنا شرينا التيكيات قتلو هيا قالي من نيتك راني كبير روحي نتي العبي و انا راني هنا
بديت نحلل فيه باش يلعب معيا بصح ماحبش قتلو مالا انا تاني مانلعبش سكت قالي امشي يالمصيبة طلعنا و لعبنا و اخيرا شفت الضحكة تاعو فرحت بزاف هذا هو الهدف تاعي كي جبتو لهنا حبطنا انا دخت شوية حتى حكمني باش مانطيحش تلاقاو عينينا لزوج و انا من لحشمة حبطتهم و حسيت بالسخانة طلعتلي لراسي طلقني و كملنا مشينا شوية قالي تحبي ندخلو لبيت الرعب انا ماحبيتش كنت خايفة و زيد الليل بصح زاد شحن و دخلني
كنا لداخل و كنت نسمع غير فاصوات تخوف و ساعة ساعة يخرجلنا راجل يخلع انا ماقدرتش نتحمل هذاك الخوف عنقتوا بقوة غرست راسي في صدرو باش يخبيني قتلو تعيش خرجني راني خايفة حتى نسمع فيه يقولي
ماتخافيش عمري راني معاك .......
*****************
فوطيو يالبنات و قولولي ولا نكملها و ترقبوا احداث جديدة فحكايتنا سلاااام 😉😉😉
أنت تقرأ
je t'aime à la folie
Romanceقصة عشق ابطالها نجمة و فؤاد لي يعشقو بعضاههم بصح تخرجلهم مشاكل بزاف و عراقيل زعما رايحيين يحاربو على جال حبهم هذا واش راح نعرفوه في بقية القصة
