كنت قاعدة فالبيرو مع شهرة حتى دخل فؤاد كي شفتو حسيت قلبي خرج حبطت راسي و ماحبيتش نشوف فيه حتى سمعتو يعرض في شهرة للفطور و عاود خرج و لوخرا ماصدقت عرضها طارت بالفرحة و ناضت تشبح في روحها قلبي وجعني و متت بالغيرة دقيقتها
شهرة : قوليلي راني شابة شعري رآه مسڨم
انا بلا مانشوف فيها : راكي نورمال
شهرة : بفففففف يالطيف ماصبت شكون نسقسي ماشفتيش même pas فيا و تقوليلي راكي نورمال
انا: صباح كامل و انا مقابلاتك و نشوف فيك -__-
خرجت شهرة من البيرو بعد ماعمرت روحها بالروايح حتى خنقتني موراها حكمتني القنطة كل مانتخيل بلي رآه مع مرا واحدوخرا نموت فالساعة الف خطرة
خرجت انا تاني نروح نفطر شفت اسماء من بعيد متت بالفرحة عندي بزاااااااف ماشفتهاش و توحشتها رحت نجري ليها و نعيطلها
اسماااااء
شافت فيا بالتشناف و دورت وجهها
اسماء : غير لخير واش تسحقي
انا: اسماء واش بيك علاه راكي تهضري معايا هكذا ماتوحشتينيش كما توحشتك
اسماء: راكي تمسخري بيا ولا كفاش عندك لوجه جي تقابليني تزوجتي ماسمعتينيش و انا درتك ختي حضرتك معايا خبيتي عليا زعما راح نعينك حتى لي ديتي واحد شيخ مطبطب ماعندي مانحسدك فيه خرجتي وحدة خبيثة
انا: اسماء واش هاذي الهضرة على الأقل حوسي تفهمي سبابي علاه ماقلتلكش
اسماء : مانحوس نفهم والو ماتهمينيش دوك ماتعرفيني مانعرفك
حكمني البكا من كلام اسما قاسني بزاف ماحوستش تفهم علاه حكمت عليا سمحت في عشرتنا على جال سبة هادي
اسماء: وين رآه فؤاد
انا: مكاشو راح يفطر بصح كاين طبيب واحدوخر روحي جوزي عندو
اسماء: واش دخلك انت سحقيت فؤاد انت مايهمكش
ولا مازالكي حاسبة بلي مازالوا يحبك غير انساي ياو نحاك من بالو هاذي شحال زيد نقولك غير ابداي تنحيه من بالك علاخاطر مانتفاهموش
انا: و انت واش دخلك في هاذي الا مازال يحبني ولا نو وعلابالي بلي مازال زيد اسماء ماتغلطيش راكي مرت راجل انعلي الشيطان
اسماء : هههههههههه هههههههههه اوووه عاودي عاودي واش قلتي مرت راجل شكون راهي تهضر بصح نسيت انت ماعندكش راجل عندك طبطوب سي نوغمال تبقاي شادة فالباصي
قلقتني هضرتها و حسيتها بلي عينها على فؤاد نطقت بالعياط
انا: اسماااا احترمي روحك و تعرفي واش راكي تخرجي من فمك
أنت تقرأ
je t'aime à la folie
Romansaقصة عشق ابطالها نجمة و فؤاد لي يعشقو بعضاههم بصح تخرجلهم مشاكل بزاف و عراقيل زعما رايحيين يحاربو على جال حبهم هذا واش راح نعرفوه في بقية القصة
