فؤاد__________________________________
كل كلمة كانت تقولها خالتي خالتي سامية كانت تقسملي قلبي طرف طرف حسيت روحي في دنيا وحدوخرا من لي خلاتني نجمة عمري مادرت في بالي بلي تحتمت عليها عمري ماخممت بالاك عندها سبة خممت غير في روحي انا عينيا تعماو بالحقد و هي كانت تقاسي اكثر مني شحال من مرة جرحتها بالكلام و اخر مرة ماعندهاش بزاف قستها بزااف بعد ما اعترفتلي و قاتلي بلي مازالها تحبني و انا كفاش قابلتها ؟؟
ظلمتها ايييه ظلمتها بزااف و هي تاني ظلمتني علااش ماجاتش حكاتلي واش صرالها ياك انا حبيبها كي مانوقفش معاها في شدتها علاه نسمي روحي حبيبها سييت نوض و انا حالتي حالة بصح نسيت هذاك الوجع كنت نخمم غير نشوفها حبسني سامي و قالي نجيبهالك حتى زادت شهرة حبستلي قلبي
شهرة : نجمة عندها 4 ايام مابانتش من لي ودعتني هنا مازادش بان حسها
انا : واش راكي تقولي عيطولها فتيليفون
خالتي سامية و هي تبكي في حالة : عيطناااالها و رحنا لدار هذاك الكلب ماكاين حتى واحد
انا كي قالولي هكذاك ماقدرتش نزيد نحمل و نبقا قاعد بلا ماندير والو نضت من السرير و كما عياو يحكموني ماقدروش
انيس : فؤاد اتكالما مازال مابريت كفاش تروح و انت فالحالة هاذي
انا : وييييين يسكن هذااااك الكلب وييين
قاتلي شهرة وين جيت خارج من لاشومبغ جا ليا طبيب
الطبيب : سي فؤاااد وين راك رايح واش هاذي الحالة لي راكم دايرينها هنا خليناكم تشوفوه باش تخلطوها
ما حبيتش نضيع الوقت مع طبيب خرجت من سبيطار و تبعني انيس
انيس : فؤااد خويا تعيش ولي شوف يدك مكسرة ماراكش قادر ڨاع تمشي ولي و خليني انا نروح نشوفها
انا : بعدني انييييس لوكان نحكمو نقتلو
انيس : اصبر استناني هنا نجيب طوموبيلتي
انيس كان راح يروح يجيب طوموبيل امبعد شاف اسماء
انيس : انت حسابي معاك امبعد
اسماء : انييس عندي هضرة معاك
راح انيس و خلاها واقفة هكذاك و تبكي جات ليا دورت وجهي امبعد سمعتها تقولي
اسماء : عندك الحق ماتشوفش فيا بصح اسمحلي فؤاد على كلش غواني الشيطان ان شاء الله تصيب نجمة
راحت و جا انيس ركبت و رحنا لدار الكلب كي لحقنا خرجت نجري من طوموبيل رحت نطبطب فالباب و نخبط فيها ولوكان ماكانتش يدي الدوزيام مكسرة نكسر الباب عليه
انا : حل الباااااب
انيس : بشوية انيس دوك يخرجو الناس
انا: راني نقلك حل الباب نجمة جاوبيني راكي لداخل
أنت تقرأ
je t'aime à la folie
Romanceقصة عشق ابطالها نجمة و فؤاد لي يعشقو بعضاههم بصح تخرجلهم مشاكل بزاف و عراقيل زعما رايحيين يحاربو على جال حبهم هذا واش راح نعرفوه في بقية القصة
