فؤاد ________________________________
كي فطنت من الغيبوبة و حليت عينيا كنت كامل مدوخ اول وحدة شفتها ماني لي كانو عينيها منفخين من البكا و كي زدت شفت كان تاني انيس و شهرة ماكنت قادر ننطق بحتى كلمة كنت مصروع بصح مالڨري مدوخ كنت نحوس عليها بعينيا بالاك راهي معاهم اول وحدة جات في بالي كي فطنت بصح ماكاشها ماجاتش تشوفني و انا في هاذي الحالة
ماني : الحمدلله ياربي لي حليييت عينيك من بالخوف عليك
انيس : الحمدلله على سلامتك خويا خلعتنا عليك
ماكنتش قادر نرجعلهم الوغ تبسمتلهم
جازو 4 ايام و بديت نرفد روحي شوية و نجمة كيف كيف ماجاتش تزورني ههه و تقولي مازالها تحبني
ماني : واش راك متشهي وليدي نطيبلك و نجيبلك
انا : حاجة ماراهي في بالي لي ديريها من هاذوك اليدين العزار ناكلها
ماني : ياعمري على وليدي ربي يحفظك من كل بلاء
انيس : ماني روحي تريحي فدار شوية من لي دخل فؤاد لسبيطار ما رتحتيش
ماني : لالا مانخليش وليدي وحدو
انا : ماني انيس عندو الحق روحي تريحي زيد مارانيش وحدي راهو معايا
ماني : تفاهمتو عليا اه خلاص.انا نروح دوك إلا كاشما خصكم عيطولي
خرجت ماني من لاشومبغ امبعد انا بقيت غايس شافني انيس هكذاك و قالي
انيس : لابوليس رآهم يديرو l'enquête على لاكسيدون و بالاك هاذي العشية يجو يسقسوك واش صرا على خاطر رآهم شاكين بلي هاذي عملة كاش واحد
انا : اممم
انيس : فؤاد واش بيك من لي فطنت و كلامك رجع قليل تريبونديلنا غير بكلمة ولا زوج
انا : ماكاين والو
انيس : سي بون فهمت
انا: واش فهمت
انيس : مافهمتش كفاش غابت من بالي و انا نقول هذا البنادم واش صرالو راك تخمم في نجمة
انا : مارانيش كامل نخمم فيها 😏😏
انيس : ماتعييش روحك و تكذب عليا حالتك تبين شوف فؤاد ماعلاباليش علاه مازال ماجاتش لدوك تشوفك بعد ماكانت الطفلة راح تهبل كي كنت فالكوما حتى السبيطار قلباتو بالبكاء تاعها و عيينا نسكتو فيها و من لي سمعت بلي فطنت حسها تقطع مابانتش
فؤاد : راك تقولي هكذا باش تصبرني علاه بيبي انا كون كانت كما راك تحكي وين راهي دوك علاه ماجاتش تشوفني
انيس: لالا والله غير جات
انا : بركانا انيس من الخرطي
انيس : بصح علاه ماحبيتش تامني ياخو كي جي شهرة سقسيها ياو جات كانت تبكي عليك كي لمهبولة
أنت تقرأ
je t'aime à la folie
Romanceقصة عشق ابطالها نجمة و فؤاد لي يعشقو بعضاههم بصح تخرجلهم مشاكل بزاف و عراقيل زعما رايحيين يحاربو على جال حبهم هذا واش راح نعرفوه في بقية القصة
