فؤاد ________________________________
وليت لاصال ندي ماني لحقنا للدار قعدت وبقيت نخمم غير في نجمة و هضرتها حتى سمعت ماني تقولي
ماني : وين رحت مابنتش فالصالة كامل
انا : كان عندي شغل
ماني : ماجيتش كامل تهضر مع شهرة
انا: واش نهضر معاها وانا كل يوم راني نشوفها فسبيطار
ماني : اممم بالاك كنت حاب و حشمت مني ماتخممش ياوليدي راني هضرت معاها
انا : واش هضرتي معاها ؟؟؟
ماني : سهلتلك الطريق معاها دوك نستناو جوابها
انا : واش راكي تقولي ماني واش من جواب و فواش سهلتيلي طريق
ماني : ليوم قلت لشهرة بلي راني حابة نخطبها على خاطر شفتك كفاش كنت تشوف فيها
انا : مانيييي علاااااش ماسقسيتينيييش شكون قالك تعجبني شكون قالك حبيت نخطبها شكون قالك اصلا راح نتزوج !!!! علاه رحتي درتي رايك
ماني: فؤاد وليدي واش هاذي الهضرة كفاش ماتتزوجش راني حابة نفرح بيك قبل مايدي ربي امانتو و غير شهرة لي تليق بيك مانلقاش وحدة كما هي
انا : ماني انسااي هاذي الحكاية وحدة ماتدخل لداري وحدة ماتزيد تدخل قلبي ولا حياتي
خرجت و انا مقلق بزاف من العملة لي دارتها ماني راحت تخطب في شهرة بلا ماتشاورني ياربي كفاش ندير كفاش نخرج من هاذي الحصلة و نفهم شهرة فجاة تفكرت نجمة كي كانت تبكي هكذاك و بدا عقلي يرسملي واحد الافكار زعما كانت تبكي عليا كي سمعت بلي حبيت نخطب تبسمت بلا مانفيق بصح كي تفكرت أمر الواقع و هضرتها معايا نحيت هذاك التخمام من بالي ....
سامي _________________________________
اول وحدة حبيتها كانت نجمة شحال و انا متمنيها تكون ليا كانت واش تطلب مني نديرهولها حتى لي لحقنا pratique. طلبت منها نقراو كيف كيف باش تكون قدام عينييا وكانت فرحتي كبيرة كي قبلت بصح ياريت ماديتهاش معايا نهار شفتها مع الطبيب فؤاد فقت بلي يحبو بعضاهم كان يتعامل معايا بتشناف كرهي ليهم كل يوم كان يزيد
كنت محتاج الدراهم بزاف على جال عملية اختي و لي طلبتو ماحبش يعاوني حتى وين نهار جاني راجل حب يعاوني فالحصلة لي راني فيها فرحت بزاف بصح دارلي شرط قبلت بيه بلا مانخمم و هو نولي نعس نجمة و كل حاجة ديرها مانخبي عليه والو فهمني بلي راح يتزوج بيها حكيتلو على علاقتها بدكتور فؤاد فرح بزاف كي مديتلو معلومة مهمة كما هاذيك خيرني انا كي شافني بلي نغرفها مليح زاد استفسر عليا
مدلي طوموبيل باش نعسها وين تروح ماندمتش على هذا الشي على خاطر شحال و انا متمنيهم يتفارقو و تححق لي حبيتو بعد حكاية لبارح كي خبرت سي محمود على نجمة لي راحت مع فؤاد حسيتو بلي رآه موجدلها ضربة واعرة صراحة مايهمنيش انا مادامني نخلص عليها ....
أنت تقرأ
je t'aime à la folie
Romanceقصة عشق ابطالها نجمة و فؤاد لي يعشقو بعضاههم بصح تخرجلهم مشاكل بزاف و عراقيل زعما رايحيين يحاربو على جال حبهم هذا واش راح نعرفوه في بقية القصة
